| Nummer:ogd1238 | Datum:10 aug. 1376 | Überlieferung:Editie | Fundstelle:Oorkondenboek Groningen en Drenthe, nr. 1238 |
Reynolt van den Cloester en vrouw verklaren te hebben verkocht en overgedragen aan het klooster te Dikninge hun tienden over het Tybertsgoed in het kerspel van Blydenstede.
Allen luden, die dessen brief solen sien oft horen lesen, doe wy verstaen, Reynolt van den Cloestere, Margrete, mijn echte wijf, ende enkennet,
des dat wy mit vrien willen onses selves, mit raede ende mit willen Johans ende Eysen, onser kindere, ende mit consente al onser rechter
erfghenamen vercoft ende opghelaten hebben, vercopen ende oplaten apenbaer mit dessen openen brieve heer Johan, den abt, ende den ghemenen
convent van Dickenijnghen alsulken groven tyenden als wy hadden over oer guet, dat Tybertsguet gheheten is, gheleghen bijnnen den kerspel van
Blidensteden ende binnen der marke van den Broechusen, um eyne summe van ghelde, die ons wittelike ende wal betaelt is, in alsulken maniere dat
die abt ende dat convent van Dickenijnghen voers. dessen voerghenomeden tyenden erflike ende ummermeer vry besitten ende ghebruken moghen sonder
yenigherhande hinder ende sonder yenigherhande wedersegghen van ons ende van al onsen erfghenamen, ende solen hem des tyenden vrywaren voer al
dieghene, die des to rechte comen willen, al arghelist uytghesproken. In kennisse der waerheit heb ic, Reynolt van den Cloestere, dessen breef
beseghelt mit minen seghele voer my selven , voer Margreten, mijn echte wijf, voer Johanne ende Eysen, onse kindere. Ende wy, Margrete ende
Johan ende Eyse voers., ghelyen al desser vorwarden under Reynoldes seghele van den Cloester voers., want wy selven op desse .tijt ghien seghel
en hebben. Ghegheven int jaer ons Heren dusent drehondert ses ende seventich up sante Laurenciusdach.
des dat wy mit vrien willen onses selves, mit raede ende mit willen Johans ende Eysen, onser kindere, ende mit consente al onser rechter
erfghenamen vercoft ende opghelaten hebben, vercopen ende oplaten apenbaer mit dessen openen brieve heer Johan, den abt, ende den ghemenen
convent van Dickenijnghen alsulken groven tyenden als wy hadden over oer guet, dat Tybertsguet gheheten is, gheleghen bijnnen den kerspel van
Blidensteden ende binnen der marke van den Broechusen, um eyne summe van ghelde, die ons wittelike ende wal betaelt is, in alsulken maniere dat
die abt ende dat convent van Dickenijnghen voers. dessen voerghenomeden tyenden erflike ende ummermeer vry besitten ende ghebruken moghen sonder
yenigherhande hinder ende sonder yenigherhande wedersegghen van ons ende van al onsen erfghenamen, ende solen hem des tyenden vrywaren voer al
dieghene, die des to rechte comen willen, al arghelist uytghesproken. In kennisse der waerheit heb ic, Reynolt van den Cloestere, dessen breef
beseghelt mit minen seghele voer my selven , voer Margreten, mijn echte wijf, voer Johanne ende Eysen, onse kindere. Ende wy, Margrete ende
Johan ende Eyse voers., ghelyen al desser vorwarden under Reynoldes seghele van den Cloester voers., want wy selven op desse .tijt ghien seghel
en hebben. Ghegheven int jaer ons Heren dusent drehondert ses ende seventich up sante Laurenciusdach.
