| Nummer:ogd1241 | Datum:29 sept. 1377 | Überlieferung:Editie | Fundstelle:Oorkondenboek Groningen en Drenthe, nr. 1241 |
Burgemeesters en raad van Groningen oorkonden, dat Lyzebet, de vrouw van Boelke van Stedum, verklaarde te hebben verkocht aan het vrouw Meynoldeconvent te Groningen een jaarlijkse rente uit een huis te Groningen en die overdroeg.
Wy, borghermeesteren ende raed van Groninghen, doen cundich allen luden met desen openen brieve, dat voer ons quam Lyzebet Boelken wiif van
Stedum ende becande, dat si hevet vercoft dre ende dertich scillinghe rente vier penninghe min, paymentes als in Groninghen ghanc ende ghave is,
der meestersche ende den zusteren van den ghemenen convente van Vermeynoldeconvente in Groninghen to des voers. convents behoef te nemen
eweliken elkes jaers ute den huze ende hofstede, de hierna ghescreven staet, als een stadrecht is voer ene summe van ghelde, de Lyzebete voers.
vol ende al betaelt is, welke rente voers. Lyzebette voers. van Elleken Wenemars van rechter erfnisse anghecomen is. Ende dese voers. dre en
dertich scillinghe rente vier penninghe min droech Lyzebet voers. op der meystersche ende den ghemenen zusteren van Vermeynoldeconvente tot des
ghemenen voers. conventes behoef vri ende quite met alle rechten ende met allen eyghendome eweliken to bruken ende to besittene. Hier is
toghesproken, dat Grete Woldinghes, ene zuster van Yesse, van deser voers. rente boren ende bruken sel elkes jaers tot horen live ende nyet
langher soven ende thuintich scillinghe rente vier penninghen min te nemen elkes jaers, als een stadrecht is, ute den huze ende stede voers. Dit
huus ende stede voers. sin gheleghen to noerden bi der A bi Johans steenhuze Meynekens, dat wandaghes Alleken Wenemaers tobehoerde, dat bi der
zuutzide staet. Dat oircunden wi met onser stad zeghele. Ghegheven int jaer ons Heren dusent drehondert soven ende zoventich op sinte
Mychielsdach, do Herman Cater, Lubbert Sickinghe, Gheert Lewe, Otto Polleman, Wijcbolt Maurissinghe ende Wijcbolt Evardessoen borghermeestere
waren onser stad .
Stedum ende becande, dat si hevet vercoft dre ende dertich scillinghe rente vier penninghe min, paymentes als in Groninghen ghanc ende ghave is,
der meestersche ende den zusteren van den ghemenen convente van Vermeynoldeconvente in Groninghen to des voers. convents behoef te nemen
eweliken elkes jaers ute den huze ende hofstede, de hierna ghescreven staet, als een stadrecht is voer ene summe van ghelde, de Lyzebete voers.
vol ende al betaelt is, welke rente voers. Lyzebette voers. van Elleken Wenemars van rechter erfnisse anghecomen is. Ende dese voers. dre en
dertich scillinghe rente vier penninghe min droech Lyzebet voers. op der meystersche ende den ghemenen zusteren van Vermeynoldeconvente tot des
ghemenen voers. conventes behoef vri ende quite met alle rechten ende met allen eyghendome eweliken to bruken ende to besittene. Hier is
toghesproken, dat Grete Woldinghes, ene zuster van Yesse, van deser voers. rente boren ende bruken sel elkes jaers tot horen live ende nyet
langher soven ende thuintich scillinghe rente vier penninghen min te nemen elkes jaers, als een stadrecht is, ute den huze ende stede voers. Dit
huus ende stede voers. sin gheleghen to noerden bi der A bi Johans steenhuze Meynekens, dat wandaghes Alleken Wenemaers tobehoerde, dat bi der
zuutzide staet. Dat oircunden wi met onser stad zeghele. Ghegheven int jaer ons Heren dusent drehondert soven ende zoventich op sinte
Mychielsdach, do Herman Cater, Lubbert Sickinghe, Gheert Lewe, Otto Polleman, Wijcbolt Maurissinghe ende Wijcbolt Evardessoen borghermeestere
waren onser stad .
