Das Kloster Werden verkauft dem Hochstift Münster seinen Hof Werne und alle seine Besitzungen in der Drenthe und in Friesland.

Nos Otto Dei gratia abbas, Riquinus prepositus, . . . prior totusque conventus monasterii Werdinensis ordinis sancti Benedicti Coloniensis dyocesis omnibus presens scriptum intuentibus notum facimus, quod venerabili patri ei domino Everhardo episcopo Monasteriensi curtem nostram in Wenre (sic) cum iure patronatus ecclesie ibidem et omnibus suis attinentiis in Monasteriensi seu Osnaburgensi dyocesi seu ubicunque locorum sitis; item curtem nostram in Groningen vel iuxta Groningen cum omnibus suis attinentiis ac omnia bona et iura nostra, sive in opido Groningen intra muros sive extra sint, ad nos pertinentia; item bona nostra in Holtgest[*], in Asterreyde[*], in Winzum[*], in Gernewart[*] et in Federwart[*] cum iure patronatus ecclesiarum et onmibus suis attinentiis; item bona nostra in Husum[*] cum suis attinentiis ac omnia et universa bona nostra mobilia et immobilia sita in partibus Frisie; item sita ab illa parte Kovorde[*] in Drenthia versus Frisiam Traiectensis, Monasteriensis et Osnaburgensis dyocesium, sive consistant in curtibus, villicationibus, pensionibus, hospitiis, iure patronatus ecclesiarum ad presentationem nostram pertinentium et aliis iuribus quibuscunque, que ad nos et ad nostrum monasterium in terra Frisie et Drenthie pertinebant et ab antiquo poterant pertinere et que de iure poteramus vendere, pro ducentis marcis Monasteriensis monete vendidimus, quas in pecunia numerata nos recognoscimus integraliter recepisse, renuntiantes omni iuri quod nobis et nostro monasterio in dictis bonis competebat vel competere poterat quoquo modo. Alia autem omnia bona nostra extra predictas terras Frisie et Drenthie qualiacunque, sive villicationes et iura patronatus ecclesiarum, seu quocunque iure alio censeantur, ad nos pertinentia in Traiectensi, Monasteriensi, Osnaburgensi dyocesibus sita ubicunque extra prefatas terras Frisie et Drenthie, nisi de quibus supra fit mentio, nostro monasterio reservamus nec venditionem aliquam facimus de eisdem. In cuius rei testimonium nos ... abbas ... prepositus et conventus predicti monasterii Werdinensis sigilli nostra presenti scripto duximus apponenda. Datum anno Domini M^o CC^oLXXX^o secundo, crastino circumcisionis Domini.

x

x

Bestand	Ostfriesisches Urkundenbuch, I
Fol. Nr.	S. 33
Nr	34
Olim	Nach dem Orig. im Königl. Staats-Archive zu Münster. Fr. Münster U. Nr. 184. [Eine andere Ausfertigung Urk. Nr. 183. ] — Gedr. Westf. U.-B. III. S. 630.
Jahr	1283
Datumcode	cCirDom

x

x

Kommentar	Von dem Siegel ist nur ein geringes Bruchstück erhalten.

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 34