Die Nordener bekunden, dass die Stadt Bremen einen angeblich in ihren Mauern verübten Todtschlag mit 20 Bremer Mark gesühnt hat.

Omnibus hanc litteram visuris seu audituris . . . advocati et . . . consules tocius terre Nordensis salutem et pacem in Domino sempiternam. Noveritis, quod consanguinei et amici Folberti dicti Eyelerkesna, ut dicitur in civitate Bremensi occisi, receperunt a predicta civitate Bremensi pro homicidio viginti marcas Bremensis ponderis et argenti. Cum qua pecunia civitas predicta et omnes cives ibidem cum consanguineis et amicis prefati Folberti ac tota terra habent sonam firmam et compositionem, ita quod ipsi vel aliquis pro antedicto homicidio aliquem civem Bremensem seu quemquam in aliquo debeant nullatenus molestare, nec dictum homicidium per se vel per alios vindicare; quod nos una cum consanguineis et amicis omnibus sepedicti Folberti promittimus in hiis scriptis. In cuius rei testimonium sigillum terre nostre presentibus est apensum (!). Datum in Norda, anno Domini M^o CCC^o XIII^o, in die beati Petri ad vincula.

x

x

Bestand	Ostfriesisches Urkundenbuch, I
Fol. Nr.	S. 43
Nr	46
Olim	Gedr. Brem. U.-B. II. Nr. 131.
Jahr	1313
Datumcode	VinPet

x

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 46