| Nummer:oub0064 | Datum:1347 | Überlieferung:Editie | Fundstelle:Ostfriesisches Urkundenbuch, I, S. 66, nr. 64 |
Schreiben der Consuln und Richter des Emsgaues an die Stadt Hamburg über den freien Verkehr ihrer Landsleute und mehrere Störungen desselben.
Honorabilibus viris et discretis dominis consulibus civitatis Hamborgensis Liudardus[*] in Emetha prepositus, Eyldo Harana in Austerhusum, [*] Folcardus Beningha in Pillesum, [*] Aynardus in Westerhusum[*] ceterique consules et iudices terre Emesgonie[*] cum constancia pacis honorem et reverenciam quantum possunt. Honestati vestre referimus graciarum actiones, quod nostros compatriotas vobiscum arrestatos, ut sperabamus, liberos dimisistis cum promocionibus et amiciciis nobis et nostris utilibus in tempore oportuno. Que omnia vestris omnibus et singulis ubi nostrum posse suppetit, rependere volumus in effectum iuxta tenorem litterarum, quas conscribi fecimus absque fraude et dolo, nostris sigillis mutuo sigillatis. Verum providenciam vestram, de qua plenam habemus confiduciam omnis boni, suppliciter exoramus, cum nostri mercatores per advocatum in Odeslo[*] in aliquibus bonis, ut est notorium, sint privati, per vestrum favorem et auxilium ablata . . . rehabeant; precipue cum dictus advocatus eciam in presencia dominorum consulum in Lubeke, prout nostri referunt, publice recognoverit, quod nostros mercatores propter amiciciam, quam in vos gerit, spoliasset, quod apud omnes vestros volumus Domino dante promereri. De iniuria vobis per aliquos maleficos irrogata dolemus, Deo teste; pro cuius satisfactione, quantum in nobis est, cupimus ferventer laborare. Valete et nobis constanter precipite.
Nostris consuetis sigillis usi sumus.
Nostris consuetis sigillis usi sumus.
