| Nummer:oub0084 | Datum:1358 | Überlieferung:Editie | Fundstelle:Ostfriesisches Urkundenbuch, I, S. 79, nr. 84 |
Aptatus der Jüngere zu Ulgerwehr verpfändet dem Kloster Langen einige Grundstücke für 19 Mark in goldenen Schilden zu 5½ Sol. Münsterscher Münze.
In nomine Domini. Amen. Noverint universi et singuli presencia visuri seu audituri, quod Aptatus iunior de Ulgarewere[*] recepit mutuo a fratre Herone preposito in Langen 19 marcas in scutis aureis, quodlibet scutum pro quinque solidis cum dimidio bone monete, scilicet Monasteriensis aut equivalentis distincte computando. Unde dictus Aptatus subpignoravit domino preposito supradicto septem graminata, scilicet quatuor graminata, que Ebba Ennana sub se pro huris habuit et adhuc habet, duo graminata, que venerunt de Lulismanna[*] et unum graminatum n Sunderlonde, [*] promittens se satisfacturum ante festum Iohannis baptiste de eiusdem nativitate proximo affuturum de pecunia prenanata, alioquin dicta septem predia prefato preposito et conventui suo iure et tytulo perpetuo emptionis et venditionis remanebunt pro pecunia supradicta. Acta sunt hec in presencia discretorum virorum, domini Rembodi rectoris ecclesie in Hlerlt, nec non Haytati castellani[*] ibidem, quorum sigilla presentibus sunt appensa, in robur et testimonium veritatis, anno Domini Mo CCCo LVIIIo.
