Das Kloster Langen erhält von Bolo zu Bollingen ein Stück Moor zum Geschenk.

Ic heer Beernt Swartewolt, kercheer to Uthende[*] bekenne unde betughe an dessen brieve, dat voer my hevet ghewesen Bole to Boldynck[*] unde gaf over sonder wederroepen een moer beleghen to Boldinck den cloester to Langen der hilligen orden van Premonstreyt, den voerg. moer to bruken to nutticheit unde bederf eeres cloesters, unde Bole voerg. bekande den vorser. cloester rechte waerscap to doende unde nummer desse gave weder to roepene. Hier waren mede an unde over Ulrick Egghen, Haye Folrics unde ander guede luden ghenoch, unde ic her Bernt voerg. hebbe dusser waerheit an dessen brief myn ingheseghel doen hangen, int jaer ons Heren M^o CCC^o LIX^o, ipso die Servacii episcopi et confessoris.

x

x

Bestand	Ostfriesisches Urkundenbuch, I
Fol. Nr.	S. 80
Nr	86
Olim	Msc. A. 88 Fol. 7 v
Jahr	1359
Datumcode	Servat

x

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 86