| Nummer:oub0123a | Datum:15. Aug. 1374 | Überlieferung:Editie | Fundstelle:Ostfriesisches Urkundenbuch, I, S. 106, nr. 123 |
Der Abt des Klosters Merna oder Oldenkloster bekundet die Beilegung des Zwistes mit den Klöstern Langen und Aland, und entlässt beide Klöster seines Aufsichtsrechts, das er bisher über dieselben geübt hat.
Frater Ludolphus Dei pacientia abbas ecclesie beati Iohannis evangeliste conventus in Merna, L. prior totusque conventus ibidem ordinis Premonstratensis Monasteriensis dyocesis universi presencia visuris seu audituris cupimus fore notum publice per presentes, quod omnis controversia et discensio inter nos ex una, ac conventus in Langhen et Alandia parte ex altera dicti ordinis et dyocesis suborta et mota, finaliter est terminata et amicabiliter sopita, quare ipsos et eorum conventuales ab omnibus iugo, iure et consuetudine visitacionis, correctionis et obediencie ac cuiuscunque pacti quibuscunque nominibus sorciantur de iure vel de facto aut consuetudine temporalibus vel ecclesiasticis, que omnia et singula aut partem ex eisdem in ipsos habuimus hucusque aut in posterum habere possemus coniunctim aut divisim, quitos dimittimus ac liberos et solutos, renunciando etiam pro noble et nostris successoribus futuris simpliciter et de plano ac irrevocabiliter inter vivos dictis iuri, consuetudini, obedientie, visitacioni, correctioni ac pactis et quibuscunque condicionibus in ipsos et eorum conventuales exercitatis vel exercitandis quocunque colore iuris, gratie vel facti. Nam propter raritatem personarum, distancias locorum, discrimina viarum et alia plura inconveniencia et pericula, ipsos visitare, providere ac eis presidere non valemus. In quorum omnium testimonium sigillum abbatis in Merna predicti presentibus est appensum, et in evidencius testimonium premissorum mei abbatis Floridi Orti sigillum presentibus est appensum. Datum anno Domini MoCCOoLXXo quarto in die assumpcionis beate Marie virginis gloriose.
