Der Guardian des Franziskanerklosters zu Faldern, Gerard, bekundet die von seinem Vorgänger Bernard vorgenommene Verpfändung von drei Büchern an das Kl. Langen.

Frater Gerardus gardianus in Phalerna[*] ordinis beati Francisci universis presencia visuris seu audituris cupimus fore notum publice per presentes, quod frater Bernardus precessor noster inpignoravit preposito et conventui in Langen Premonstratensis ordinis infrascriptos libros, videlicet decretum, decretales et summam directoriam iuris pro sexaginta tribus scutatis aureis de moneta Francie, tali adiecto modo et forma contractus, quod nisi redimeret predictos libros ante festum Michaelis archangeli proximi, extune deberent cedere in ius et proprietatem dicti conventus in Langhena iusto empcionis et vendicionis titulo perpetuo iure possidendi; et omnia predicta fecit et ordinavit cum concilio et consensu seniorum et discretorum conventus prefati in Phalerna; insuper frater Wyardus conventualis Groniensis, tunc temporis custodie Daventrie custos omnia predicta, scilicet inpignoracionem, vendicionem seu contractum, modum et formam ex sua auctoritate paterna consumavit, roboravit et approbavit ac ex certa scientia ratificavit imperpetuum duratura, in quorum omnium testimonium premissorum sigillum officii nostri presentibus est appensum. Datum et actum anno Domini M^o CCC^o LXXXII^o, ipso die beate Elizabeth electe.

x

x

Bestand	Ostfriesisches Urkundenbuch, I
Fol. Nr.	S. 127
Nr	148
Olim	Msc. A. 88 Fol. 23 v.
Jahr	1382
Datumcode	Elisab

x

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 148