Keno tom Brok bekundet die Beilegung eines Streites zwischen dem Kloster Langen und dem Geistlichen Hayo.

Wy Kene van den Broke etc. hovetlingh doet witlik unde openbar allen guoden luoden, de dessen breff zeet offte lezen hored, unde bekennet openbare, dat al de schelinghe unde twydracht, de ghewesen hefft tuosschen papen Hayen unde den convente to den Langhener moniken van erve unde guodes weghene, dar pape Haye upp claghede, dat de schelinge unde zake tuosschen en beyden vruondliken vorscheden unde gheendet is, alzo dat Hayen dat wol betalet unde vuol vorscheen in to synen willen, unde he hefft ghelaten unde lat jeghenwordich den convente to den Langer moniken der zake unde anclaghe quid, ledich unde loes, alzo dat he noch syne erven noch nemend van erer weghene dar nicht mer up to claghende hebbet an tokomenen tijden. In orkunde der warheit zo hebbe wy Kene vorscr. unsse secret umme Hayen bede willen to dessen breve ghehenged laten. Datum anno Domini M^o quadringentesimo quarto, in die beatorum Sixti, Felicissimi et Agapiti martyrum.

x

x

Bestand	Ostfriesisches Urkundenbuch, I
Fol. Nr.	S. 166
Nr	194
Olim	Nach dem Orig. Kloster Langen. Urk. Nr. 12.
Jahr	1404
Datumcode	Sixti

x

x

x

Kommentar	Auf dem Siegelfragmente ist nur noch ein gekrönter Helm mit Adlerkopf, und von der Umschrift S. Ke Brok zu erkennen.

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 194