| Nummer:oub0258 | Datum:1. Mai 1418 | Überlieferung:Editie | Fundstelle:Ostfriesisches Urkundenbuch, I, S. 217, nr. 258 |
Der ehemalige Häuptling von Wybelsum Ulbod verkauft an das Kloster Langen 10 Grase Landes nahe beim Kloster.
Universis et singulis presencia visuris seu audituris cupimus fore notum publice protestando, quod Ulbodus quondam capitalis in Wivelsum sed prout nunc civis[*] in maiori Compum[*] cum consensu suorum heredum iusto ac rato vendicionis titulo animo deliberato vendidit religiosis fratribus et conventualibus in Langhena decem graminata, videlicet oppa Hagawerf quinque, et duo circa Hagawerf ultra fossam, et tria inna Thiadekalond[*] ultra viam, que quidem mihi et ad mee voluntatis arbitrium graciose ac plenarie sunt persolute; dantes ex hoc prefatis conventualibus hereditatem predictam possidendi, vendendi seu alienandi ac quovis modo faciendi plenariam et meram in omnibus potestatem. In huius rei evidenciam sigilla dominorum Udonis et Cirici ecclesiarum curatorum in maiori Compum et Gheerdswere presentibus (sunt)[*] appensa. Datum anno Domini Mo CCCCo XVIIIo, ipso die Philippi et Jacobi apostolorum.
