Absagebrief des Häuptlings Sibet von Rüstringen an die Stadt Bremen.

Wetet gy, borghermestere und raedmanne der stad to Bremen, dat ik juwen breef an my gescreven als van der dryer sehepe wegen, de juwen borgheren scholden to horen und mit juwer borgher ghude scholden geladen wesen, de ik en scholde hebben nemen laten etc. hebbe ik wol vornomen, und wes ik hebbe doen laten dat hebbe ik gedaen mit eren und gelike na dem als gy myne vrund de hovetlinge to Buten Jade uterd van eren holden und kercken dat gy doen in guder handelinge, vruntschoppen und geloven als wi mit ju anders nicht en wisten und unvorwaret juwer ere, des wi mit ju als wi hopeden nicht vordenet en hadden und gy ze vurder dencken to vordrivene uth landen und luden, dat myn und ere ewighe vorderflike schade were, und en steyt my nicht lengher to lydende und wil dat keren, wor ik dat keren kan und mach, und offt ju genich schade schude edder den ghenen, de wi umme juwen willen veyden mochten, des schaden vygent wil ik wesen, und wil des myne ere to rechten tijden an ja wol vorwaret hebben und hebbe des to tughe der warheit myn secretum witliken drucket laten beneden an dessen breff. Screven up den dach Johannis baptiste anno XIX^o.
Sybet hovetling to Rustringen.

x

x

Bestand	Ostfriesisches Urkundenbuch, I
Fol. Nr.	S. 223
Nr	264
Olim	Nach dem Orig. im Archive zu Bremen.
Jahr	1419
Datumcode	NatJoh

x

x

Kommentar	Das Siegel mit dem häufig vorkommenden Typus des rechtsaufgerichteten Löwen ist wohl erhalten.

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 264