| Nummer:oub0300 | Datum:Brielle, 11. Sept. 1421 | Überlieferung:Editie | Fundstelle:Ostfriesisches Urkundenbuch, I, S. 262, nr. 300 |
Herzog Johann von Baiern bekundet, Ocko tom Brok zum Diener und Hausgesinde recipirt zu haben.
Johan etc. doen cond allen luden, want Ocko tho Broeck mit ons verenicht ende verzoent is ende wy wederomme mit hem, so bekennen wy, dat wy denselven Ocko onthouden hebben ende onthouden mit desen brieve, voir onsen dyenre ende huysgesinde[*] met 8 peerden ende 7 knechten, die onse of onser lande vyande noch ballinge nyet en syn; den welken Ocken als hi by ons coemt, wy sullen doen leveren ende utreyken, gelyken anderen onsen dyeneren ende huysgesinde sonder argelist. In oirconde etc. Gegeven in den Briele, 11 dagen in Septembri anno XXI.
