| Nummer:oub0316 | Datum:13. Jan. 1424 | Überlieferung:Editie | Fundstelle:Ostfriesisches Urkundenbuch, I, S. 281, nr. 316 |
Der Häuptling Brunger zu Loquard schenkt der Johanniterkommende Golthorn sein Land und Haus zu Heiselhusen mit der Bedingung, die fälligen Abgaben an die Kirche zu Campen zu liefern, ohne des Schenkers Zustimmung kein Land im Loquarder und Camper Hammrich zu erwerben u. A. m.
Wy heren Frederd unde Nycholaus cureten tho Hrysengum[*] ende Kampen[*] unde Brungher, hoeftlingh tho Loecqwerth bykennen unde bytughen voer allen ghuden luden in dessen openen breve, dat Brungher hoeftlingh voerscr. heft thogheven unde ghyft den crusen oerden[*] unde broderen ther Golthorna[*] de werve ende huestede, de dar zint gheleghen tho Heeseldehuzen, [*] tho bruken unde tho nuttende na eren willen unde nuttycheit, als langhe als ze zich dar by helpen kennen unde moghen vor ons ende ons naekomen nu ende tho ewighen thiden; ende de brodere vorscr. skolen gheven ere pacht ende provende[*] tho der kerken tho Kampen al jaer, als een ander huesman oeft undersaethen, dat wer dat ze Got sterkede, dat se daer zulven tymmert enen kapellen oeft kerken als ze dat beste voermoghen. Item zo scholen de brodere voerscr. gheen erwe kopen in Lacwerhter ende Kamper hammerk zunder Brunghers voerscr. raet unde willen. Item werth zake, dat them broderen vorscr. worde gheven erwe oeft lant int Laecwert oeft Kampere hammerk, zu zal dat vry wezen dem neghesten vrenden oeft erfnamen voer als zo veel ghelde alst weerth ys, oef alzo veel, alst dat land dat dar by glteleghen ys. In orkunde der waerheit zo hebben wy hern Frederd unde Nicholaus unde Brungher, cureten unde hoeflinge voerscr. unze zeghelen an dessen breff ghehanghen. Int jaer uns Heren duzent vierhundert ende XXIIII, in octava Epyphanie.
x
| Bestand | Ostfriesisches Urkundenbuch, I |
|---|---|
| Fol. Nr. | S. 281 |
| Nr | 316 |
| Olim | Nach dem Orig. Kom. Heiselhusen Urk. Nr. 1. |
| Jahr | 1424 |
| Datumcode | oEpipha |