| Nummer:oub0359 | Datum:10. Aug. 1427 | Überlieferung:Editie | Fundstelle:Ostfriesisches Urkundenbuch, I, S. 324, nr. 359 |
Ocko tom Brok lehnt die Aufforderung Bremens, selbst zur Tagfahrt zu kommen, ab und theilt der Stadt mit, dass ihm Focko den Zahlungstermin seiner Schuld verlängert habe.
Deme erbaren mannes borghemester unde rad der stad tho Bremen, mynen besunderghen guden vrundes vruntliken ghescreven.
Vruntliken groyt unde wes ik guedes vormach tovorn. Erbaren leven vrundes, so gy my thoscreven hebben, dat ik sulves up den dach komen schoelde efte vulmechtich myner etc., beghere ik ja tho wettende, dat ik des sulves myt mynen personen nicht doen mach, als my nu gheleghen is, unde ik wyl myne vrund dar gherne schicken over land myt myner claghe vulmechtich. Vorder so heft Focke my des gheldes to betalende den dach vorlenget namachtighe van syntte Jacoppes daghe an eynen mand darna, unde hope ik (de) schult bynnen der tyd wol (to) betalen, dat gy dar nicht umme manet schullen werden. Zyd Gode bevolen. Ghescreven under mynen secrete, an syntte Laurentius daghe.
Ocko tho Broke, Awerke unde Emeden, hovetling in Oestfreslande.
Vruntliken groyt unde wes ik guedes vormach tovorn. Erbaren leven vrundes, so gy my thoscreven hebben, dat ik sulves up den dach komen schoelde efte vulmechtich myner etc., beghere ik ja tho wettende, dat ik des sulves myt mynen personen nicht doen mach, als my nu gheleghen is, unde ik wyl myne vrund dar gherne schicken over land myt myner claghe vulmechtich. Vorder so heft Focke my des gheldes to betalende den dach vorlenget namachtighe van syntte Jacoppes daghe an eynen mand darna, unde hope ik (de) schult bynnen der tyd wol (to) betalen, dat gy dar nicht umme manet schullen werden. Zyd Gode bevolen. Ghescreven under mynen secrete, an syntte Laurentius daghe.
Ocko tho Broke, Awerke unde Emeden, hovetling in Oestfreslande.
