| Nummer:oub0371 | Datum:Sept. 1428 | Überlieferung:Editie | Fundstelle:Ostfriesisches Urkundenbuch, I, S. 346, nr. 371 |
Sibet von Rüstringen, Focko Ukena und seine Söhne nehmen den Abt von Termünten und das gesammte Eigenthum des Klosters in ihren Schutz auf.
Wy Sybet hovetling in Rustringen, Ostringen etc., Focko Ukens tho Leer, myne kindern als Sya, Uka und Udo hovelinge in Eramoerre, [*] Uldersum und Norda, doen kundich allen den genen, die desen breeff sehen off horen lesen, dat wi tho der ehre Ghods, siner leven moder und des guden sunt Berentz, [*] up dat wi malen naden[*] vinden in den ogen Gades, wanneer wi des allerbest behoven, hebben angenhamen eendrachtelich und jegenwordich annehmen mit dessem breve in unse bescherminge den geistlichen vader, den abt van der Munte, syn broders, hoere cloesteren, uthove[*] und alle hoer gude tho water und tho lande bi nacht und bi dage war de gelegen sint, offte waer se mit hoeren gude vleten offte varen sint, voer unse undersaten, unse frunde und voer alle de gene, de um unses willen doen offte laten willen und ock billich sullen doen laten, und willen se trouwelich, waer des noet is, verdedigen lyck uns sulveren...
