| Nummer:oub0393 | Datum:20. Dez. 1430 | Überlieferung:Editie | Fundstelle:Ostfriesisches Urkundenbuch, I, S. 364, nr. 393 |
Häuptling Edzard von Greetsiel gelobt dem Imelo von Grimersum, auch seinerseits alle die ihm von den Umlanden gemachten Zusagen treu halten zu wollen.
Ick Edzardt tho Greetsyll hoevetlinck etc, bekenne und betuige apenbaer vor alsweme, de dusse schrifft sehen, lesen oder hoeren lesen, wo ick jegenwoerdich beveste und confirmeer alle de puncten und articulen, de de ummelande[*] mit Imelen hoevetlinck tho Grimersum und Oisterhuisen etc. mynen lieven neven hebben thogesecht und thogeschreven und woill bezegelt, und ick desgeliken em vor my und alle degeene, de um mynentwillen doen offte laten willen thosegge und jegenwoerdich bezegele. Des so hebbe ick Edzardt vorgeschreven Imelen voerscr. gelavet, gesekert und geswaren und jegenwoerdich lave, sekere und swere by mynen waren truwen ihn den hilligen Imelen ergenoempten dusse voerscr. bevestenisse und confirmatie und lavinge tho holden vor my, myne frunden waer de beseten sint, und vor alle de gene, de um mynentwillen doen offte laten willen, stede, vast und unvorbroken tho holden sunder alle argelist und nievunde und hulperede, de dussen brieff jergent moegen tegen ghaen. Ihn orkunde der waerheit so hebbe ick Edzardt voerscr. myn ingezegell ahnt spatium dusses breves gedrucket. lnt jaer unses Heren dusent veerhundert und dertich, up s. Thomas avent des billigen apostels.
