| Nummer:oub0414 | Datum:6. Juni 1433 | Überlieferung:Editie | Fundstelle:Ostfriesisches Urkundenbuch, I, S. 381, nr. 414 |
Die Stadt Hamburg bittet die Stadt Göttingen gemäss der Bestimmung des Recesses vom 24. Juni 1417 um schleunige Hülfe gegen die Seeräuber in Sibetsburg zu deren Bekämpfung Hamburg's Kräfte allein nicht ausreichen.
Den ersamen unde vorsichtigen mannen, borgermeisteren unde radmannen to Gottinghen, unsen guden frunden.
Unsen vrundliken grud myt begheringe alles guden tovoren. Ersamen sunderligen guden vrunde. Wi begheren juw weten, dat en grot partige loser gesellen to Sibetesborgh, de den unschuldigen copman rede vorderfliken unde swarliken nuwelken bynnen vertey(n) nachten in schepen unde ghuderen beschedighet hebben, unde dachlikes in vormeringhe erer partige, nemende to beschonende, to donde vorarbeiden, sint vorghaddert, dat drepliken van noden is to besorghende, wo men der unheilsamen vorghadderinge nicht in deme anbeghinne weddersta, dat men sodanes vorderves der gemenen werlt int leste unbesorghed moghe wesen. Also hebbe wi vor unsz genomen, sodane vorghadderinge myd Godes hulpe to vorstorende, offt wi konen, dat uns doch alto lastich edder lichte unmogeliik to donde sunder juwe unde anderer stede hulpe, trost unde todond, den wii geliik juw hirvan geschreven hebben, vallen wolde. Worumme, ersamen guden vrunde, wi juw vrundliken mit gantzen flite bidden, desset overtrachtende, (to) beweghen unde grundliken to herten (to) nemen, wat grotes vorderves des gemenen aller lande unschuldigen copmans, wo men desset mit hardicheid unde sture nicht en legere, hirvan vort erstan mochte, unde uns dan sunder uthsettende togheringe hulpe, trost unde bistand nach uthwisinge des vorwillekorden recessus der gemenen stede ist jar unses Heren 1417 uppe sunte Johannes baptisten dach bynnen Lubeke vorramed, de aldus inholt: vor welkerer havene serovere erfaren werden, dar schullen de negesten stede volghen de to vorstorende, unde bringhen dat uppe de negesten dachvard, de koste unde teringe schullen de gemenen hensestede den steden, de also gevolghet weren, wedder gheven, so juw lichte sulven wol erkand unde openbar is, unde sunder snellik antworde, umme to wetende, worna wi unsz richten moghen, uns des nicht laten, vorschulde wy umme juwe ersamcheid unde leve alle tiid vrundliken gerne, wor wi moghen. Siid Gode bevalen. Schreven under unser stad secrete, am sonnavende neghest na Pinxsten, anno etc. 33.[*]
Consules Hamburgenses.
Unsen vrundliken grud myt begheringe alles guden tovoren. Ersamen sunderligen guden vrunde. Wi begheren juw weten, dat en grot partige loser gesellen to Sibetesborgh, de den unschuldigen copman rede vorderfliken unde swarliken nuwelken bynnen vertey(n) nachten in schepen unde ghuderen beschedighet hebben, unde dachlikes in vormeringhe erer partige, nemende to beschonende, to donde vorarbeiden, sint vorghaddert, dat drepliken van noden is to besorghende, wo men der unheilsamen vorghadderinge nicht in deme anbeghinne weddersta, dat men sodanes vorderves der gemenen werlt int leste unbesorghed moghe wesen. Also hebbe wi vor unsz genomen, sodane vorghadderinge myd Godes hulpe to vorstorende, offt wi konen, dat uns doch alto lastich edder lichte unmogeliik to donde sunder juwe unde anderer stede hulpe, trost unde todond, den wii geliik juw hirvan geschreven hebben, vallen wolde. Worumme, ersamen guden vrunde, wi juw vrundliken mit gantzen flite bidden, desset overtrachtende, (to) beweghen unde grundliken to herten (to) nemen, wat grotes vorderves des gemenen aller lande unschuldigen copmans, wo men desset mit hardicheid unde sture nicht en legere, hirvan vort erstan mochte, unde uns dan sunder uthsettende togheringe hulpe, trost unde bistand nach uthwisinge des vorwillekorden recessus der gemenen stede ist jar unses Heren 1417 uppe sunte Johannes baptisten dach bynnen Lubeke vorramed, de aldus inholt: vor welkerer havene serovere erfaren werden, dar schullen de negesten stede volghen de to vorstorende, unde bringhen dat uppe de negesten dachvard, de koste unde teringe schullen de gemenen hensestede den steden, de also gevolghet weren, wedder gheven, so juw lichte sulven wol erkand unde openbar is, unde sunder snellik antworde, umme to wetende, worna wi unsz richten moghen, uns des nicht laten, vorschulde wy umme juwe ersamcheid unde leve alle tiid vrundliken gerne, wor wi moghen. Siid Gode bevalen. Schreven under unser stad secrete, am sonnavende neghest na Pinxsten, anno etc. 33.[*]
Consules Hamburgenses.
