Bürgermeister und Rath von Bremen weisen dem Schiffer Edden von Greetsiel als Ersatz für den durch Itze tom Brok in Osterstade erlittenen Schaden 85 Bremer Mark an.

Wy borgemestere unde radmane der stad Bremen bekennen unde betugen openbare in dessen breve, dat wy fruntliken sind vorscheden myt schipher Edden tom Gressyle[*] umme den schaden den he unde de ghenne, de myt eme ingeschepet, hadde leden, do se Itze ute deme Osterstade unde dar wedder in beschedegede; vor welken schaden wy en geven schullen unde wyllen nu to sunte Michels dage erst komende viff unde achtentich Bremer mark, unde wanner wy en de betalet hebben, so schal unde wel uns de ergen. Edde van siner unde der ghenner weghene, de do tor tyd den schaden mede leden, van des schaden wegene quyd unde los holden, unde wy unde unse borgere en scholen den van des schaden wegene nenerleyge ansprake, clage noch schaden mer umme lyden. Des to tughe sind desser certeren twe, de ene ut der anderen gesneden, unde myt unser stad secrete besegelt. Datum anno Domini M^oCCCC^oXXXIIII^o, des sunavendes na Pinxstern.

x

x

Bestand	Ostfriesisches Urkundenbuch, I
Fol. Nr.	S. 390
Nr	426
Olim	Nach dem Original-Chirograph im Archive zu Bremen.
Jahr	1434
Datumcode	SpPentec

x

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 426