| Nummer:oub0467 | Datum:16. März 1437 | Überlieferung:Editie | Fundstelle:Ostfriesisches Urkundenbuch, I, S. 424, nr. 467 |
Der Hamburger Rath antwortet dem Bischof von Münster, dass die Angelegenheit Imelo's und des Schlosses Emden nicht ihn allein, sondern alle Hansestädte, denen er die Sache vortragen wolle, anginge.
Deme erwerdigen in Gode vadere unde heren, her Hinrike, bisschoppe to Monster, unsseme gunstigen leven heren.
Vrundliken denst unde wat wy gudes vormoghen tovorn. Erwerdighe in Gode vader, gnedighe leve here. Juwer herlicheyd breff uns gesund mangk meer worden inneholdende moghe juwen gnaden weddervaren, uppe gheleghenen unvortogherden daghen, wes sik umme Imelen juwer gnade dener unde dat slot Emeden van eere unde rechtes wegene gebore, dat wille gy gherne nemen etc. hebbe wy gudliken entfanghen unde wol vornomen, worup juwen gnaden gheleve to weten, dat de sake van wegene Imels unde des slotes Emeden nicht allene uns, men de henzenstede ghemeenliken andrepen, so wy juwen gnaden vorhen in anderen unssen breven wol hebben gescreven, myd den, alse de erst tosamende komende werden, wille wy gherne spreken unde en desset to kennende gheven, unde juwen gnaden denne en antworde darvan gherne weten laten, unde bidden flitighen, dat alle dingk hyrup frundliken bestande bliven moghe, vordene wy umme desulven juwe furstliken angeborne gude frundliken gherne alleweghe, de God almechtich ewichliken sund unde wolmechtich to uns bedende bescherme, unde begheren desses juwe gnedighe bescreven antworde. Screven under unsser stad secretum, ame sonnavende vor Judica, anno XXXVIIo.
Consules Hamburgenses.
Vrundliken denst unde wat wy gudes vormoghen tovorn. Erwerdighe in Gode vader, gnedighe leve here. Juwer herlicheyd breff uns gesund mangk meer worden inneholdende moghe juwen gnaden weddervaren, uppe gheleghenen unvortogherden daghen, wes sik umme Imelen juwer gnade dener unde dat slot Emeden van eere unde rechtes wegene gebore, dat wille gy gherne nemen etc. hebbe wy gudliken entfanghen unde wol vornomen, worup juwen gnaden gheleve to weten, dat de sake van wegene Imels unde des slotes Emeden nicht allene uns, men de henzenstede ghemeenliken andrepen, so wy juwen gnaden vorhen in anderen unssen breven wol hebben gescreven, myd den, alse de erst tosamende komende werden, wille wy gherne spreken unde en desset to kennende gheven, unde juwen gnaden denne en antworde darvan gherne weten laten, unde bidden flitighen, dat alle dingk hyrup frundliken bestande bliven moghe, vordene wy umme desulven juwe furstliken angeborne gude frundliken gherne alleweghe, de God almechtich ewichliken sund unde wolmechtich to uns bedende bescherme, unde begheren desses juwe gnedighe bescreven antworde. Screven under unsser stad secretum, ame sonnavende vor Judica, anno XXXVIIo.
Consules Hamburgenses.
