| Nummer:oub0510 | Datum:5. Okt. 1439 | Überlieferung:Editie | Fundstelle:Ostfriesisches Urkundenbuch, I, S. 454, nr. 510 |
Die Stadt Lübeck schreibt an den Erzbischof von Köln über die unbegründeten Klagen seines Bruders, des Bischofs von Münster, in Betreff Emdens und des Propstes Imelo.
Deme erwerdigesten, gromechtigen fursten unde heren, hern Tyterychen ertzebisschoppe zu Colne etc., zu Westvalen unde Engern hertzogen etc., unserem gnedigen liebn heren mit odmodicheid gescribn.
Beredicheid williges denstes unde wes wy gudes vormogen tovorn. Erwerdigeste furste, gnedige leve here, juwer gnaden breff an uns unde an unse vrundes, de van Hamborch gesand, inneholdende, wo dat de erwerdige here, her Hinrik bisschop to Munstere juwe leve broder, ju nu hebbe verscreven, dat wy eme up openen dagen ere unde rechtes uyt gegangen sin, unde wy eme entweldiged hebben sin slod Emeden unde synen provest Imelen gevangen, so desulve juwe leve broder in sinen breve ok beroret etc. myt mer worden, hebbe wy gutliken entfangen unde wol vernomen, unde bydden juwe gnade demudichliken weten, dat desulve furste, juwe broder, uns ungutliken darane doet, unde wy willen mit den genanten unsen vrunden van Hamborch dar gerne an spreken unde willen juwer herlicheid alsdenne unse antwerde mit den ersten wy mogen by unseme egenen boden gerne wedder benalen, darinne juwe hochwerdige gnade unde herlicheid wol schal vernemen, dat wy unde de van Hamborch deme genanten fursten, bisschoppe to Munster, juweme leven brodere, ere unde rechtes up openen dagen ny uyt gegan en hebben unde wy dergelyken siner herlicheid efte jemende anders ere unde rechtes nymmer efft God wyl uytgan effte vore wesen en willen. Gode deme Heren sy juwe furstlike gewald bevolen to langen saligen tyden wolmogende unde gesund, uns to gebedende als juwen willigen deneren. Screven am mandage na sunte Remigii dage, under unser stad ingesegele, anno etc. XXXIX.
Juwer hochwerdigen gnaden odmodigen denere, borgermestere unde radmanne der stad Lubeke.
Beredicheid williges denstes unde wes wy gudes vormogen tovorn. Erwerdigeste furste, gnedige leve here, juwer gnaden breff an uns unde an unse vrundes, de van Hamborch gesand, inneholdende, wo dat de erwerdige here, her Hinrik bisschop to Munstere juwe leve broder, ju nu hebbe verscreven, dat wy eme up openen dagen ere unde rechtes uyt gegangen sin, unde wy eme entweldiged hebben sin slod Emeden unde synen provest Imelen gevangen, so desulve juwe leve broder in sinen breve ok beroret etc. myt mer worden, hebbe wy gutliken entfangen unde wol vernomen, unde bydden juwe gnade demudichliken weten, dat desulve furste, juwe broder, uns ungutliken darane doet, unde wy willen mit den genanten unsen vrunden van Hamborch dar gerne an spreken unde willen juwer herlicheid alsdenne unse antwerde mit den ersten wy mogen by unseme egenen boden gerne wedder benalen, darinne juwe hochwerdige gnade unde herlicheid wol schal vernemen, dat wy unde de van Hamborch deme genanten fursten, bisschoppe to Munster, juweme leven brodere, ere unde rechtes up openen dagen ny uyt gegan en hebben unde wy dergelyken siner herlicheid efte jemende anders ere unde rechtes nymmer efft God wyl uytgan effte vore wesen en willen. Gode deme Heren sy juwe furstlike gewald bevolen to langen saligen tyden wolmogende unde gesund, uns to gebedende als juwen willigen deneren. Screven am mandage na sunte Remigii dage, under unser stad ingesegele, anno etc. XXXIX.
Juwer hochwerdigen gnaden odmodigen denere, borgermestere unde radmanne der stad Lubeke.
