| Nummer:oub0551 | Datum:23. Okt. 1443 | Überlieferung:Editie | Fundstelle:Ostfriesisches Urkundenbuch, I, S. 486, nr. 551 |
Lübeck an Münster: bittet eine Antwort auf den dortseitigen, die Angelegenheit der Burg zu Emden betreffenden, Brief so lange vertagen zu dürfen, bis mit Hamburg Rücksprache genommen sei.
Den ersamen wisen mannen heren borgermestern unde radman der stad Munstere unsen guden vrunden.
Unsen fruntliken grut unde wes wy gudes vormogen tovoren. Ersamen heren guden vrunde. Juwe breff an uns gesand mit ener ingesloten utscrifft enes breves, den de erwerdige here, her Hinrik, bisschopp to Munstere, juwe here, an ju scrivet van des slotes Emeden unde ok van ander mer puntte wegen etc. mit wer worden ynneholdende, hebbe wy wol vornomen; unde, leven vrunde, gy mogen wel erkennen, nachdeme de saken van des slotes Emeden unde andere puntte wegen in juwes heren unde ok in juweren breven utgedrucket unse vrundes van Hamborch unde uns samentliken anrorende is, unde gy ok den van Hamborch hirumme hebben vorscreven, alze wy uns vormoden, so is van noden unde behoff, dat de van Hamborch unde wy, alse wy ersten tosamende komen, dat in kort bescheen mach, vorder dar an spreken mogen; alsedenne mogen se unde wy uppe juwe scriffte unde breve juwer leften unse schrifftlike antwarde wedder benalen. Ok, leven vrunde, dat juwe bode hir welke tyt is gewesen, begere wy vruntliken gy ene darinne nicht to vordenckende, wente dat van sunderges anvalles wegen by gekomen is, unde wy hebben eme laten geven ene mark Lubescher penninge. Siit Gode bevolen. Screven under unserem secretum, des mydwekens na der hilligen elvendusend megede dage, anno etc. XLIIIo.
Consules Lubicenses.
Unsen fruntliken grut unde wes wy gudes vormogen tovoren. Ersamen heren guden vrunde. Juwe breff an uns gesand mit ener ingesloten utscrifft enes breves, den de erwerdige here, her Hinrik, bisschopp to Munstere, juwe here, an ju scrivet van des slotes Emeden unde ok van ander mer puntte wegen etc. mit wer worden ynneholdende, hebbe wy wol vornomen; unde, leven vrunde, gy mogen wel erkennen, nachdeme de saken van des slotes Emeden unde andere puntte wegen in juwes heren unde ok in juweren breven utgedrucket unse vrundes van Hamborch unde uns samentliken anrorende is, unde gy ok den van Hamborch hirumme hebben vorscreven, alze wy uns vormoden, so is van noden unde behoff, dat de van Hamborch unde wy, alse wy ersten tosamende komen, dat in kort bescheen mach, vorder dar an spreken mogen; alsedenne mogen se unde wy uppe juwe scriffte unde breve juwer leften unse schrifftlike antwarde wedder benalen. Ok, leven vrunde, dat juwe bode hir welke tyt is gewesen, begere wy vruntliken gy ene darinne nicht to vordenckende, wente dat van sunderges anvalles wegen by gekomen is, unde wy hebben eme laten geven ene mark Lubescher penninge. Siit Gode bevolen. Screven under unserem secretum, des mydwekens na der hilligen elvendusend megede dage, anno etc. XLIIIo.
Consules Lubicenses.
