| Nummer:oub0563 | Datum:12. Aug. 1444 | Überlieferung:Editie | Fundstelle:Ostfriesisches Urkundenbuch, I, S. 493, nr. 563 |
Derselbe schreibt an den Bremer Rath in derselben Angelegenheit.
Den ersamen unde vorsichtigen heren borgermeisteren unde radmannen der stad Bremen mynen bisunderen guden frunden dandum.
Vrundlikert grut unde wat ik gudes vormach tovorn. Ersamen heren, bisunderen guden frunde. Juw mach wol vordencken, wo ik juwer leve ummetrent unsser Vrouwen lichtmissen, [*] in mynen breve gaf to kennende, dat Peter Meyg unde Hereke Meyg mid eren sonen, guderen unde woningen to Norden in myn gebede weren gevaren, unde se vor myne undersate untfangen, begerende van juw unde denstlike biddende, dat gii umme myner leve unde vordenstes willen, de vorben. Peter Meyg unde Hereken mid eren sonen uthe der veide, dar gii se inne beslagen hedden, qwiid, leddich unde los wolden schelden, dar ik do tor tiid juwe gudlike bescreven andworde van wedder begerede, dat mi doch do tor tiid van juw nicht mochte benalet wedder werden; men dat vorbleff wente uppe den fridag na ascensionis Domini, [*] so dat gii uppe densulven fridag in juwen breve an mi gescreven mank anderen worden rureden, dat juwe frunde er mynen scriften tor sewart weren, men wen se wedder to hus gekomen weren, wes gii denne den genanten Peter unde Hereken mid den eren umme myner leve unde bede willen mid den besten hegen mochten, deme dede gii so gerne etc. Wurumme, leven heren unde frunde, begere ik noch denstliken biddende, dat gii umme myner bede unde vordenstes willen de vorben. Peter unde Hereken mid den eren mid den besten hegen unde en gunstich unde truweliken bi juwen frunden behulpen wesen, so ik juwen borgeren unde copluden in mynen gebede betteherto gedan hebbe unde noch dagelikes gerne do, unde vort mid den juwen so to bestellende, dat den vorben. Peter unde Hereken unde mynen anderen undersaten ere genomene gudere wedder mogen werden unde se van erer vengknisse qwiid geschulden, wente ik juwen ersamheiden tiid genoch, er juwe frunde tor sewart qwemen, gaf to kennende, dat de vorben. Peter unde Hereke mid den eren to Norden mid eren woningen in myn gebede weren gevaren unde myne undersate sint geworden, unde schelde ok juwe borgere unde coplude van erer behindernisse qwiid unde vryg in deme, dat gii myne undersate in juwer stad behindert wedderumme qwiid unde los van erer behindernisse schelden, unde en ok ere genomene gudere gudliken wedder laten volgen, wente den juwen uppe enen Lubeschen nicht is genomen; unde wes myne undersate hiirane mogen neten, begere ik juwe gudlike bescreven andworde, dar ik mi na moge weten to richtende. Gode sund unde salich bevalen. Screven under mynen ingesegel, in profesto sancti Ipoliti, anno etc. XLIIIIo.
Olrik to Norden, Brokmerlande, Emeden, Esensen, Aureke unde Lengen etc. hovetlingk.
Vrundlikert grut unde wat ik gudes vormach tovorn. Ersamen heren, bisunderen guden frunde. Juw mach wol vordencken, wo ik juwer leve ummetrent unsser Vrouwen lichtmissen, [*] in mynen breve gaf to kennende, dat Peter Meyg unde Hereke Meyg mid eren sonen, guderen unde woningen to Norden in myn gebede weren gevaren, unde se vor myne undersate untfangen, begerende van juw unde denstlike biddende, dat gii umme myner leve unde vordenstes willen, de vorben. Peter Meyg unde Hereken mid eren sonen uthe der veide, dar gii se inne beslagen hedden, qwiid, leddich unde los wolden schelden, dar ik do tor tiid juwe gudlike bescreven andworde van wedder begerede, dat mi doch do tor tiid van juw nicht mochte benalet wedder werden; men dat vorbleff wente uppe den fridag na ascensionis Domini, [*] so dat gii uppe densulven fridag in juwen breve an mi gescreven mank anderen worden rureden, dat juwe frunde er mynen scriften tor sewart weren, men wen se wedder to hus gekomen weren, wes gii denne den genanten Peter unde Hereken mid den eren umme myner leve unde bede willen mid den besten hegen mochten, deme dede gii so gerne etc. Wurumme, leven heren unde frunde, begere ik noch denstliken biddende, dat gii umme myner bede unde vordenstes willen de vorben. Peter unde Hereken mid den eren mid den besten hegen unde en gunstich unde truweliken bi juwen frunden behulpen wesen, so ik juwen borgeren unde copluden in mynen gebede betteherto gedan hebbe unde noch dagelikes gerne do, unde vort mid den juwen so to bestellende, dat den vorben. Peter unde Hereken unde mynen anderen undersaten ere genomene gudere wedder mogen werden unde se van erer vengknisse qwiid geschulden, wente ik juwen ersamheiden tiid genoch, er juwe frunde tor sewart qwemen, gaf to kennende, dat de vorben. Peter unde Hereke mid den eren to Norden mid eren woningen in myn gebede weren gevaren unde myne undersate sint geworden, unde schelde ok juwe borgere unde coplude van erer behindernisse qwiid unde vryg in deme, dat gii myne undersate in juwer stad behindert wedderumme qwiid unde los van erer behindernisse schelden, unde en ok ere genomene gudere gudliken wedder laten volgen, wente den juwen uppe enen Lubeschen nicht is genomen; unde wes myne undersate hiirane mogen neten, begere ik juwe gudlike bescreven andworde, dar ik mi na moge weten to richtende. Gode sund unde salich bevalen. Screven under mynen ingesegel, in profesto sancti Ipoliti, anno etc. XLIIIIo.
Olrik to Norden, Brokmerlande, Emeden, Esensen, Aureke unde Lengen etc. hovetlingk.
