Papst Eugen erneuert auf Wunsch, des Emder Propstes Johannes Vredewold die Exkommunikation und andere Kirchenstrafen gegen alle diejenigen, welche nach Aufhebung des Konzils zu Basel dennoch daselbst zurückgeblieben waren.

Eugenius episcopus servus servorum Dei ad sempiternam rei memoriam. Pastoralis officii cura, nobis licet inmeritis Divina dispositione commissa, cor nostrum continua pulsat instantia, ut gregem nobis creditam a noxiis et adversis preservare summa diligentia studeamus, ac oves nobis commissas, ne luporum patiantur incursus et morsibus eorum lanientur, nostrae protectionis munimine satagamus confovere. Sane sicut pro parte dilecti filii Johannis Vredelbort (!), prepositi loci de Emeda Monasteriensis diocesis, nobis nuper exhibita petitio continebat, nonnulli in dignitatibus etiam pontificalibus constituti et personatus obtinentes ac cathedralium ecclesiarum canonici contra Johannem prefatum et alias utriusque sexus personas infra limites prepositure ruralis dicti loci, quam ipse Johannes obtinet, commorantes, praetextu litterarum a perfidie filiis in civitate Basiliensi sub nomine aut pretextu generalis concilii, postquam illud ab ipsa civitate ad civitalem nostram Ferrariensem auctoritate apostolica transtuleramus ac translatum fuisse et esse declaraveramus sub excommunicationis quoque ac dignitatum, beneficiorum et officiorum privationis necnon inhabilitationis (!)penis, quas contrafacientes ipso facto incurrere voluimus, et adversus quas aliq ui restitui vel rehabilitari non possunt, sed nec ab ipsa excommunicatione absolvi, ne quis sub dicto nomine aut praetextu prefatam civitatem Basiliensem accedere aut in ea convenire vel remanere auderet, districtius inhibueramus, necnon irritum et inane ac nullius roboris vel momenti fore decreveramus, quicquid sub eodem nomine seu pretextu a quoquam scienter vel ignoranter contingeret attemptari, ac convenientes ac remanentes in ipsa civitate Basiliensi post translationem, et contra inhibitionem huiusmodi sub prefato nomine seu pretextu dictas penas incidisse declaraveramus, posteriorem quoque declarationem huiusmodi innovantes, eosdem convenientes et remanentes scismaticos ac hereticos ac ultra prefatas penas tales cum eorum fautoribus et defensoribus, ut cum chora Dathan et Abiron meritam portionem acciperent, condignis penis puniendos fuisse et esse decreveramus pariter et declaraveramus ausu nephario congregatis obtentorum (sic) contra eos procedere, sententias etiam diffinitivas ferre et promulgare eosque excommunicare, suspendere et ipsorum loca interdicere atque alios etiam graviores processus facere, ipsosque processus aggravare et reaggravare, ac contra eosdem Johannem et personas auxilium brachii secularis invocare, Johannem quoque et personas predictas sive aliquos ex eis cum premissis molestare, vexare, perturbare et inquietare veriti non fuerunt, sicut nec dictum verentur in animarum suarum periculum, auctoritatis nostre vilipendium, sedis apostolice contemptum, Johannis et personarum predictarum confusionem atque damnum ac scandalum et pernitiosum exemplum plurimorum: Quare pro parte ipsius Johannis nobis fuit humiliter supplicatum, ut in hiis oportune providere de benignitate apostolica dignaremur. Nos itaque huiusmodi supplicationibus inclinati omnia et singula per congregatos predictos sive eorum auctoritate vel de ipsorum mandato post translationem et contra inhibitionem et decretum huiusmodi adversus eosdem Johannem et personas aut aliquem ipsorum quovismodo habita, gesta et facta, et que fient in futurum prout fuerunt, sunt et erunt iuxta premissa cum inde secutis nulla fuisse et esse, auctoritate apostolica tenore presentium declaramus pariter et nunciamus. Nulli ergo omnino hominum liceat hanc paginam nostrae declarationis et nunciacionis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum. Datum Romae apud sanctum Petrum, anno incarnationis Domini millesimo quadringentesimo quadragesimo quinto, undecimo Kalendas Julii, pontificatus nostri anno quintodecimo.
Pro Jo. de Papia
A.de Cornet,

x

x

Bestand	Ostfriesisches Urkundenbuch, I
Fol. Nr.	S. 499
Nr	569
Olim	Abschrift im Archive zu Groningen. [2]
Jahr	1445
Datumcode	10KalJul

x

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 569