| Nummer:oub0577 | Datum:13. Jan. 1447 | Überlieferung:Editie | Fundstelle:Ostfriesisches Urkundenbuch, I, S. 505, nr. 577 |
Der erwählte Abt von Wittewierum sind der Abt des Bonifaciusklosters in Dokkum theilen die Besitzungen des Klosters Palmar unter sich und nehmen zu einem Theil die Mönche und Nonnen bei sich auf, doch soll Alles an Palmar zurückgegeben werden, wenn das Generalkapitel es so bestimmen sollte und die Wiederherstellung der Deiche dem Kloster Sicherheit vor weiterer Ueberschwemmung gewähren würde.
Frater Thymannus electus abbas, prior ceterique conventuales in Werum[*], ordinis Premonstratensis, Monasteriensis dyocesis, universis et singulis presentia visuris sive audituris cupimus fore notum protestantes publice, quod nos matura deliberacione previa infrascriptam fecimus et ordinavimus bonorum conventus de Palmaer, alias porta Marie, dicti ordinis dicteque dyocesis, divisionern cum venerabili in Christo patre domino Wilhelmo abbate et suis conventualibus apud sanctum Bonifacium in Dockum, dicti ordinis, Traiectensis dyocesis, videlicet primo, quod nos abbas et conventuales in premissa Werum, alias Florido Orto, perpetuis temporibus tenere ac libere valeamus ad nostrum libitum possidere conventum in dicta Palmaer cum omnibus suis prediis necnon grangios in Claywerum et Fynserewolda[*] cum suis attinenciis, excepta tantum grangia de Bonenborch, parrochie in Groethusum, quam conventuales de Dockum cum suis attinenciis libere retinebunt ac perpetuis temporibus possidere valebunt sine nostra contradictione. Item responsuri capitulo nostro generali de talliis seu collectis, omnes aggeres iuxta conventum dictum Pallamaer, qui ad ipsum dinoscuntur spectare, in esse conservabimus, eciam si per[*] inundacionem aquarum fracti fuerint sine auxilio conventus in Dockum reparabimus aut reparari procurabimus, quousque antedicto conventu in Pallamaer cum suis grangiis antedictis usi fuerimus. Item nos conventuales de Weruin conversum Galconem ac sorores infrascriptas, videlicet Tyadam, Renzekam, Deddam, Tyaldam et Lammekam in victu et vestitu tenebimus ac perpetue sustentabimus, quousque degant in humanis; ceteros vero conventuales, videlicet dominum Folkerum, qui domino Wilhelmo abbati in Dockum publice coram conventu suo manualem promisit obedienciam, ac sororem Ettam cum suis sororibus omnibus carnalibus, una cum ceteris utriusque sexus conventualibus, de quibus superius non est mentio[*] facta, prefatus venerabilis dominus abbas in Dockum ad suam obedienciam suumque collegium in Dockum recipit ac recepit, promittens eis de consensu suorum conventualium de victu et vestitu suisque necessariis sine dampno conventus in Wertum et Pallamaer quousque in hoc seculo vitam duxerint providere. Hic annectitur seu additur: in casu quo cenobium de Pallamaer antedictum de mandato capituli nostri generalis oportuerit reformari et de proprio et speciali prelato provideri, prout dudum fuerat, aggeribus per terram Reydensem versus silvam[*] reparatis vel restauratis, extunc omnes premisse grangie, redditus et proventus ad dictam Pallamaer redibunt ac libere ad eius usum remanebunt sicuti ante dictam divisionem extiterant. Et hoc prefatus venerabilis dominus abbas et conventuales in dicta Dockum et sui successores prefatum monasterium in Pallamaer cum omnibus suis attinenenciis preter allodium in Bonenborch nobis et nostris successoribus perpetuis temporibus libere assignarunt et resignarunt atque hiis presentibus assignant et resignant, dolo, fraude et nova invencione seclusis quibuscunque. In fide premissorum sigillum nostrum conventuale una cum sigillo abbaciali presentibus duximus appendendum. Datum anno Domini MoCCCCoXLVIIo, octava epiphanie Domini.
