| Nummer:oub0614 | Datum:Berum, 26. Mai 1449 | Überlieferung:Editie | Fundstelle:Ostfriesisches Urkundenbuch, I, S. 539, nr. 614 |
Der Häuptling Ulrich entschuldigt sein Ausbleiben bei der am 30. Juni zu Oldenburg anberaumten Zusammenkunft, wo die Zwistigkeiten zwischen ihm, Edo und Sirk, und der Gegenpartei, den Häuptlingen Lubbo und Tanno, zum Austrag gebracht werden sollen.
Deme rade to Hamborg.
Vrundliken grut mit mynen denste unde wat ik gudes vormach tovoren. Ersamen leven heren, bisunderen guden frunde. So gii in juwen breve my ghesand mank anderen worden sint scrivende, wo juwe ersamheit unde de van Bremen ere drapliken sendeboden des rnandages vor visitationis Marie to Oldenburgh des avendes in der herberghe hebben willen, dar Lubbe unde Tanne unde ok Ede unde Sirk mit eren vrunden denne komen unde wesen scholen, uppe dat men ze na lude des recesses mit vrundscop edder rechte vorscheiden unde entweylegghen moghe, begherende degher vrundliken van my, dat ik dar ok denne komen wille unde mit deme besten ik vormach darto helpe, int ende, dat deme recesse van erer weghen vulschey etc, mit mer worden in deme sulven juwen breve begrepen, hebbe ik leyfliken untfanghen unde wol vornomen. Darup, leven heran, ik juw denstliken do weten, dat ik uppe de vorscr. stede nynerleghe wiis kan komen unde mach des ok nicht bybringhen umme mannigherleye zake willen, de my sint anliggende van myner landen unde undersaten weghen, unde bidde fruntliken, dit vor nynen unwillen to nemende. Unde, leven heren, wes ik mit deme besten mach helpen raden, dat de landen to roste unde vreden komen unde unvordervet mogen bliven, dar scolen juwe leve my gutwillich ane vinden, dat kennet God, aver my alze juwen truwen knapen allewege bedenden. Gode almechtich sund unde salich bevalen. Screven to Berum, des mandages vor Pinxsten, anno etc. XLIXo.
Olrik to Grietsyl, Norden, Brokmerlande, Ezensen, Aureken unde Lengen etc. hovetling.
Vrundliken grut mit mynen denste unde wat ik gudes vormach tovoren. Ersamen leven heren, bisunderen guden frunde. So gii in juwen breve my ghesand mank anderen worden sint scrivende, wo juwe ersamheit unde de van Bremen ere drapliken sendeboden des rnandages vor visitationis Marie to Oldenburgh des avendes in der herberghe hebben willen, dar Lubbe unde Tanne unde ok Ede unde Sirk mit eren vrunden denne komen unde wesen scholen, uppe dat men ze na lude des recesses mit vrundscop edder rechte vorscheiden unde entweylegghen moghe, begherende degher vrundliken van my, dat ik dar ok denne komen wille unde mit deme besten ik vormach darto helpe, int ende, dat deme recesse van erer weghen vulschey etc, mit mer worden in deme sulven juwen breve begrepen, hebbe ik leyfliken untfanghen unde wol vornomen. Darup, leven heran, ik juw denstliken do weten, dat ik uppe de vorscr. stede nynerleghe wiis kan komen unde mach des ok nicht bybringhen umme mannigherleye zake willen, de my sint anliggende van myner landen unde undersaten weghen, unde bidde fruntliken, dit vor nynen unwillen to nemende. Unde, leven heren, wes ik mit deme besten mach helpen raden, dat de landen to roste unde vreden komen unde unvordervet mogen bliven, dar scolen juwe leve my gutwillich ane vinden, dat kennet God, aver my alze juwen truwen knapen allewege bedenden. Gode almechtich sund unde salich bevalen. Screven to Berum, des mandages vor Pinxsten, anno etc. XLIXo.
Olrik to Grietsyl, Norden, Brokmerlande, Ezensen, Aureken unde Lengen etc. hovetling.
