| Nummer:oub0615 | Datum:Knyphausen, 27. Mai 1449 | Überlieferung:Editie | Fundstelle:Ostfriesisches Urkundenbuch, I, S. 539, nr. 615 |
Lubbo Onken und Tanno Duren sagen ihr Erscheinen auf der Tagfahrt zu Oldenbztrg zu.
Deme rade to Hamborg.
Unssen denst unde wes wy gudes vormogen tovoren. Ersamen leven heren. Juwen bref an uns ghesand hebben wy vrundliken entfangen unde gutliken wol vornomen nach sineme inholde, alz gii scriven, wo dat wii to Oldenborch des mandaghes vor visitationis Marie des dages wardende scholen wesen der schelinge unde twydracht twischen uns unde Olrike, Eden Boynges unde Cirke tor Vredeburgh wesende, darsulves in vruntschoppen ofte rechte vorscheden..., dar gii, ersamen heren unde de van Bremen juwe frunde juwe drapelken sendebaden darsulves entieghen willen senden etc., des wii nicht bilegghen en willen, men wii willen deme alzo gerne don unde willen upp den vorb. dach to Oldenburg in der herberghe wesen, upp dat wii deme recesse vuldon, dat wii al umme darup beseghelt hebben. Item, ersamen leven heren, so willen wii unsse beseghelden breve Eden unde Cirke upp gheleide unde velicheit senden na lude der inghelechten cedulen in juwen breve was vorwaret. Ock so hope wii mit unten frunden de velicheit wol to holdende. God almechtich sy mit juw to langhen tiden, unde bedet over uns. Screven to Kripenze under unssem ingesegel, des dingsdages na Urbani, anni XLIXo.
Lubben Onneken to Kripensen,
Thanne Duren to Jever, Ostringen, Wangerland etc. hovetlinge.
Unssen denst unde wes wy gudes vormogen tovoren. Ersamen leven heren. Juwen bref an uns ghesand hebben wy vrundliken entfangen unde gutliken wol vornomen nach sineme inholde, alz gii scriven, wo dat wii to Oldenborch des mandaghes vor visitationis Marie des dages wardende scholen wesen der schelinge unde twydracht twischen uns unde Olrike, Eden Boynges unde Cirke tor Vredeburgh wesende, darsulves in vruntschoppen ofte rechte vorscheden..., dar gii, ersamen heren unde de van Bremen juwe frunde juwe drapelken sendebaden darsulves entieghen willen senden etc., des wii nicht bilegghen en willen, men wii willen deme alzo gerne don unde willen upp den vorb. dach to Oldenburg in der herberghe wesen, upp dat wii deme recesse vuldon, dat wii al umme darup beseghelt hebben. Item, ersamen leven heren, so willen wii unsse beseghelden breve Eden unde Cirke upp gheleide unde velicheit senden na lude der inghelechten cedulen in juwen breve was vorwaret. Ock so hope wii mit unten frunden de velicheit wol to holdende. God almechtich sy mit juw to langhen tiden, unde bedet over uns. Screven to Kripenze under unssem ingesegel, des dingsdages na Urbani, anni XLIXo.
Lubben Onneken to Kripensen,
Thanne Duren to Jever, Ostringen, Wangerland etc. hovetlinge.
