| Nummer:oub0654 | Datum:2. Jan. 1453 | Überlieferung:Editie | Fundstelle:Ostfriesisches Urkundenbuch, I, S. 569, nr. 654 |
Der Generalvikar des Bischofs von Münster gewährt allen denen, welche die zu Ehren der Jungfrau Maria in der Grossen Kirche zu Emden neugestiftete Antiphona täglich nach der Messe mitsingen oder anhören, 40 Tage Ablass seitens des Bischofs von Münster und 40 Tage aus eigener Machtvollkommenheit.
Frater Martinus de Blya, Dei et apostolice sedis gracia, episcopus Magionensis, reverendi in Christo patris et domini, domini Walrami de Moersa eadem gracia electi et confirmati Monasteriensis, in pontificalibus vicarius generalis, [*] universis et singulis tam presentibus quam futuris, ad quos presentes nostre littere pervenerint, salutem in Domino sempiternam. Dum precelsa meritorum insignia, quibus celorum regina virgo Dei genitrix gloriosa sedibus prelata syderibus quasi stella matutina prerutilat, consideracionis indagine perscrutamur, dum eciam inter pectora revolvimus, quod ipsa utpote mater misericordie, gracie et pietatis, amica humani generis, consolatrix pro salute fidelium, qui delictorum onere pregravantur, sedula exoratrix et pervigiI ad regem, quem genuit, intercedit, dignum quin pocius debitum arbitramur, ut Christi fideles ad eiusdem laudem frequentandam graciosis remissionem prosequamur impendiis et indulgenciarum decoremus muneribus: Cum igitur clerus et populus in ecclesia sanctorum Cosme et Damiani martyrum in oppido Emedensi antiphonam, [*] de ipsa eadem celorum regina ipsis competentem, cotidie decreverint post summam missam decantandam, nos vero devocioni eorum congratulantes omnibus vere penitentibus, confessis et contritis, qui dictam antiphonam, dum sic ut premittitur, cantatur cum versiculo et collecta ad finem cantaverint vel audierint, aut qui post missam auditam benedictionem sacerdotalem susceperint, tociens quociens premissa vel aliquod premissorum devote adimpleverint, de omnipotentis Dei misericordia ac beatorum Petri et Pauli apostolorum eius auctoritate confisi, quadraginta dies indulgenciarum ex parte domini nostri Monasteriensis, cuius vices gerimus, et quadraginta dies ex parte nostra de iniunctis eis sive de iure iniungendis penitenciis misericorditer in Domino relaxamus, has nostras literas desuper confectas nostrique sigilli appensione munitas in testimonium concedentes. Datas anno Domini millesimo quadringentesimo quinquagesimo tercio, mensis Januarii die secunda.
x
| Bestand | Ostfriesisches Urkundenbuch, I |
|---|---|
| Fol. Nr. | S. 569 |
| Nr | 654 |
| Olim | Orig. im Archive der Grossen Kirche zu Emden, Nr. 13. — Entstellte Abschrift in Msc. Fol. 38 der Gesellschaft für bildende Kunst etc. zu Emden. |
| Jahr | 1453 |
| Datumcode | 0201 |