| Nummer:oub0692 | Datum:Leerort, 30. Aug. 1455 | Überlieferung:Editie | Fundstelle:Ostfriesisches Urkundenbuch, I, S. 608, nr. 692 |
Häuptling Sibo von Dornum usw. verantwortet sich Bremen gegenüber wegen der ihm vom Grafen Mauriz von Oldenburg vorgeworfenen Veranstaltung eines Raubzuges gegen dessen Schiffe und Unterthanen.
Den ersamen borgermesteren unde radmanne der stad Bremen mynen bisunderen guden vrunden gescreven.
Vrundlike groyt tovorn. Ersamen guden vrundes. Juwe wederscrift myd avescrift enes breves, alze juncher Mauricius, greve to Oldenborch, juwen ersamenheiden vor andworde screven hevet, an my gesant, hebbe ik gutliken entfangen unde wal vorstaen, unde alze denne dezulve juncher Mauricius vorscr. an syneme andworde scrivet, ik myne schepe unde volk darto ghesant hebbe, sine undersaten to beschedigende unvorwaret myner ere, darumme he mynen undersaten ere schepe unde gued ghenomen hebbe, worup ik ju weder beghere to wetende, dat hee my zulke tichte unredelike unde nicht na ghebore andichtet unde thyed sunder en lued ufft id redelik sake zy, darumme he de myne beschediget hevet, to makende unde to scrivende, alze ik eme an sine jegenwordicheit, dar des mochte to donde werden, grundliker wal underrichten wolde to vorantwordende. Unde alze he mynen undersaten sunder reden unvorclaret unde sunder klaghe ok unentsecht unde unvorwaret siner ere so behorliken scholde geschen wesen, juwen stroem uth unde weder up, alze id eme denen mochte, ere schepe unde gued ghenomen hevet, beghere ik noch van juwen ersamheiden zere vrundliken, gii id zoe vorvoghen unde bestellen willen, de myne ere gued unde schepe moghen weder krigen unde ok der venegnisse entslaghen unde loes vorlaten werden. Will ik denne desgheliick de juwe gerne gutliken uth der besathe quiit laten, unde zee ok vort vorheghen, vlotten unde vorderen, alze ik duslange ju to willen gerne gedaen hebbe. Mach denne dezulve vorbenompte juncher Mauricius my worumme schuldigen offt beklagen, juwe ersamheit de raed von Hamborch unde raed to Stade schullen myner up legheliker stede tiegen ene to ere unde rechte mechtich wesen, eme jo zoe vele, alze ik na juwer kennynghe schuldich byn, an rechte to donde, unde ok hefft he my umme nene klaghe offte tosaghe anverdighet off scriven, zoe he vorliken, er he mynen undersaten ere gued nam unde zee vencg, jo tome mynsten scholde ghedaen hebben. Juwe ersamheit zii Gode gesunt bevolen. Gescreven up Lerord, under mynes omes secrete umme ghebreck nu tor tyd des mynen. Int jar LVto, ame sonnavende na Bartholomei.
Sibo to Dornum, Esenze, Stedestorpe unde Witmunde etc. hovetling.
Vrundlike groyt tovorn. Ersamen guden vrundes. Juwe wederscrift myd avescrift enes breves, alze juncher Mauricius, greve to Oldenborch, juwen ersamenheiden vor andworde screven hevet, an my gesant, hebbe ik gutliken entfangen unde wal vorstaen, unde alze denne dezulve juncher Mauricius vorscr. an syneme andworde scrivet, ik myne schepe unde volk darto ghesant hebbe, sine undersaten to beschedigende unvorwaret myner ere, darumme he mynen undersaten ere schepe unde gued ghenomen hebbe, worup ik ju weder beghere to wetende, dat hee my zulke tichte unredelike unde nicht na ghebore andichtet unde thyed sunder en lued ufft id redelik sake zy, darumme he de myne beschediget hevet, to makende unde to scrivende, alze ik eme an sine jegenwordicheit, dar des mochte to donde werden, grundliker wal underrichten wolde to vorantwordende. Unde alze he mynen undersaten sunder reden unvorclaret unde sunder klaghe ok unentsecht unde unvorwaret siner ere so behorliken scholde geschen wesen, juwen stroem uth unde weder up, alze id eme denen mochte, ere schepe unde gued ghenomen hevet, beghere ik noch van juwen ersamheiden zere vrundliken, gii id zoe vorvoghen unde bestellen willen, de myne ere gued unde schepe moghen weder krigen unde ok der venegnisse entslaghen unde loes vorlaten werden. Will ik denne desgheliick de juwe gerne gutliken uth der besathe quiit laten, unde zee ok vort vorheghen, vlotten unde vorderen, alze ik duslange ju to willen gerne gedaen hebbe. Mach denne dezulve vorbenompte juncher Mauricius my worumme schuldigen offt beklagen, juwe ersamheit de raed von Hamborch unde raed to Stade schullen myner up legheliker stede tiegen ene to ere unde rechte mechtich wesen, eme jo zoe vele, alze ik na juwer kennynghe schuldich byn, an rechte to donde, unde ok hefft he my umme nene klaghe offte tosaghe anverdighet off scriven, zoe he vorliken, er he mynen undersaten ere gued nam unde zee vencg, jo tome mynsten scholde ghedaen hebben. Juwe ersamheit zii Gode gesunt bevolen. Gescreven up Lerord, under mynes omes secrete umme ghebreck nu tor tyd des mynen. Int jar LVto, ame sonnavende na Bartholomei.
Sibo to Dornum, Esenze, Stedestorpe unde Witmunde etc. hovetling.
