| Nummer:oub0811 | Datum:7. Okt. 1464 | Überlieferung:Editie | Fundstelle:Ostfriesisches Urkundenbuch, I, S. 702, nr. 811 |
Der Häuptling Ulrich schreibt an Lübeck, dass seine Bemühungen, seinen Oheim Sibo zu bewegen, die von seinen Knechten genommenen Schiffe Hansescher Kaufleute loszugeben, Erfolg gehabt hätten, da Sibo seine Mannschaft nicht gegen die Kaufleute, sondern gegen seine Feinde ausgesandt habe.
Den ersamen wiisen unde vorsichtighen borgermesteren unde raedmannen der stad Lubicke unsen gueden vrundem
Recepta XXII. Octobris anno LXIIII
Unsen vruntliken gruet mit begheringe alles guedes tovoren. Ersamen gueden vrundes. Alse gy uns nu hebben doen scriven, was etliche deenre unde knechte Syben unses oems, nu unlanges twe schepe myt den inhebbenden guedern etlichen juwes radeskumpanen, borgheren unde koepluden van der Duetzschen hanse tobehorende, ghenomen scholden hebben etc., des soe hebben wy umme juwer leve willen unse bodesschupp van desser zake wegene mit juwem breve an Syben unseme oeme ghehat; die uns darupp hevet wedder doen scriven, woe hie dat mang den knechten mit gantzsen flite bearbeydet, bestellet unde daervoer ghewest is, dat der koeplude schepe unde guedere nicht ghebutet noch ghepartet en worden, unde juwes radeskumpane, borgeren unde koepluden, ore guedere guetliken wedderrichtet moegen worden, want die vorben. knechte nicht uppe den koepman, men unse openbaere vyande to beschadighen uthgeferdighet weren; soe hevet Sybo vorscreven die schepe mit den inhebbenden guederen wedder in die zee ghevelighet umbehindert na huusswert to zeghelen, daer wii mit swaren arbeide uns mit den besten guetliken mede inne bewesen hebben; unde mochten wy juwer ersamheit, die Gode walmoghende zy bevolen, waer gonst unde willen inne bewiisen, deden wy mit flite gerne. Screven under unsen secrete, ame dage Marci pape et confessoris, anno etc. LXIIIIo.
Oelrick to Grietzyl, Norden, Aurik, Emeden etc. in Oestvrieslande hoventlinge.
Ok, [*] gueden vrundes, zint veer koeplude bii Syben, unseme oeme, ghewest unde hebben zick guetliken unde lieffliken myt em vorgaen, alz wy anders nicht en weten. Datum ut in littera.
Recepta XXII. Octobris anno LXIIII
Unsen vruntliken gruet mit begheringe alles guedes tovoren. Ersamen gueden vrundes. Alse gy uns nu hebben doen scriven, was etliche deenre unde knechte Syben unses oems, nu unlanges twe schepe myt den inhebbenden guedern etlichen juwes radeskumpanen, borgheren unde koepluden van der Duetzschen hanse tobehorende, ghenomen scholden hebben etc., des soe hebben wy umme juwer leve willen unse bodesschupp van desser zake wegene mit juwem breve an Syben unseme oeme ghehat; die uns darupp hevet wedder doen scriven, woe hie dat mang den knechten mit gantzsen flite bearbeydet, bestellet unde daervoer ghewest is, dat der koeplude schepe unde guedere nicht ghebutet noch ghepartet en worden, unde juwes radeskumpane, borgeren unde koepluden, ore guedere guetliken wedderrichtet moegen worden, want die vorben. knechte nicht uppe den koepman, men unse openbaere vyande to beschadighen uthgeferdighet weren; soe hevet Sybo vorscreven die schepe mit den inhebbenden guederen wedder in die zee ghevelighet umbehindert na huusswert to zeghelen, daer wii mit swaren arbeide uns mit den besten guetliken mede inne bewesen hebben; unde mochten wy juwer ersamheit, die Gode walmoghende zy bevolen, waer gonst unde willen inne bewiisen, deden wy mit flite gerne. Screven under unsen secrete, ame dage Marci pape et confessoris, anno etc. LXIIIIo.
Oelrick to Grietzyl, Norden, Aurik, Emeden etc. in Oestvrieslande hoventlinge.
Ok, [*] gueden vrundes, zint veer koeplude bii Syben, unseme oeme, ghewest unde hebben zick guetliken unde lieffliken myt em vorgaen, alz wy anders nicht en weten. Datum ut in littera.
