| Nummer:oub0812 | Datum:10. Okt. 1464 | Überlieferung:Editie | Fundstelle:Ostfriesisches Urkundenbuch, I, S. 703, nr. 812 |
Der Rath von Hamburg benachrichtigt den Rath von Lübeck, dass Junker Sibo die Hanseschen Schiffe freigegeben habe.
Denn ersamen vorsichtigen wisen mannen heren borgermeisteren unde rathmannen der stad Lubeke unnsen besundern guden frunden.
Recepta XII. Octobris anno LXIIII.
Unnsen fruntliken grut und wes wy gudis vermogen tovorenn. Ersamen heren, besunderenn guden frunde. Wii fugen juw to weten, dat sodane twe schepe mit des koepmans guderen von der Dudeschen henze von jongheren Syben und den sinen angeferdigt etc., darumme juwe ersamheid und wii ok bodeschap gedan hebben von sunderliker vorschrivinge unde mergliker flitiger verfuginge des erbaren jungheren Olriks etc. an Syben vorgnant, sinen oheme, darumme gedan, deme koepmane wedder togekoret und gegeven sint, so gii egentliker in dessen orer brive ingelechten copien wol werden vernemen; worane wy juw to willen werden mogen, dhon wii gantz gerne. Gode deme almechtigen selichliken befalen. Screven under unser stad secrete, ame middweken nach Dyonisii, anno etc. LXIIIIto.
Borgermeistere unde rathmanne to Hamborch.
Recepta XII. Octobris anno LXIIII.
Unnsen fruntliken grut und wes wy gudis vermogen tovorenn. Ersamen heren, besunderenn guden frunde. Wii fugen juw to weten, dat sodane twe schepe mit des koepmans guderen von der Dudeschen henze von jongheren Syben und den sinen angeferdigt etc., darumme juwe ersamheid und wii ok bodeschap gedan hebben von sunderliker vorschrivinge unde mergliker flitiger verfuginge des erbaren jungheren Olriks etc. an Syben vorgnant, sinen oheme, darumme gedan, deme koepmane wedder togekoret und gegeven sint, so gii egentliker in dessen orer brive ingelechten copien wol werden vernemen; worane wy juw to willen werden mogen, dhon wii gantz gerne. Gode deme almechtigen selichliken befalen. Screven under unser stad secrete, ame middweken nach Dyonisii, anno etc. LXIIIIto.
Borgermeistere unde rathmanne to Hamborch.
