| Nummer:oub0835 | Datum:18. März 1466 | Überlieferung:Editie | Fundstelle:Ostfriesisches Urkundenbuch, I, S. 723, nr. 835 |
Hamburg bittet Lübeck, ein dort verfasstes Schriftstück, in welchem über ein auf der Westerems verunglücktes Schiff gesprochen wird, und des Grafen Ulrich in unliebsamer Weise Erwähnung geschieht, abzuändern.
Den ersamen vorsichtigen wisen heren borgermesteren unde radmannen der stad Lubeke unsen besonderen guden frunden.
Recepta XXto. Marcii anno LXVI.
Unsen fruntliken grut unde wes wii gudes vermogen tovoren. Ersamen heren, besunderen leven frunde. Juwen breff inhebbende van eneme schepe ame herveste negestvorleden van waters unde winden noden gebleven in der Westeremese, woruth etlike gudere geberget, sunder de meste deel in juwe stad, en deel anderswor unde nicht mit uns to hus behoren, begerende, wii bii deme bringer juwes breves unse certificatien mit unser stad secrete vorsegeld darup geven willen, inholdende, dat van sodanen guderen hir deger nichtes to huss behore, wente gii vorstan hebben, wo greve Olrik tosprake to uns vermene to hebbende etc., hebben wy under lengeren meer worden wol vernomen. Des, besunderen guden frunde, don wii juw hirup fruntliken weten, wo wii mit deme erberen huren Olrike, in Oestvreessland etc. greven, wente uppe dessen dagh anders nicht weten dan leve unde fruntscop. Hirumme dunket uns nenerleyewiis nutte noch radsam, sodane certificatien in vorberorder mate to gevende, noch juwe certificatien so in ereme lude unvorwandelt to blivende, wente desulve greve Olrik mochte daruth begripen ene staltenisse der veide unde unwillen, den wii doch nicht mit eme weten, so vorgerort is, unde mochte uns ok vort bewanen unde vordenken, dat wii juw clage van derwegen vorbracht unde ene besecht hedden, darvan uns schade unde nadeel irwecket unde upstaen mochte, unde alse denne juwe besegelde certificatie vermiddelst den juwen unde anderen darinne genomet, besworen is, dat sullike guder hir nicht to hues horen etc., so bidden wii deger fruntliken, gii overtrachtende unse vorscr. beweginge, sodane certificatien in deme parte willen laten wandelen, so dat se lude, dat sullike gudere tobehoren den personen in dersulven certificatien uthgedrucket unde anders nemande, unde doen deger nene beroringe van unser wegene umme sake vorgetellet. Und wes gii des doende werden, begeren wii juwe bescreven antworde bii desseme jegenwardigen. Syd Gode sund unde salich bevalen. Screven under unser stad secreete, ame dinxedage negest na deme sondage, als men in der hilligen kerken singet Letare, anno etc. LXVIto.
Borgermestere unde radmanne to Hamborgh.
Recepta XXto. Marcii anno LXVI.
Unsen fruntliken grut unde wes wii gudes vermogen tovoren. Ersamen heren, besunderen leven frunde. Juwen breff inhebbende van eneme schepe ame herveste negestvorleden van waters unde winden noden gebleven in der Westeremese, woruth etlike gudere geberget, sunder de meste deel in juwe stad, en deel anderswor unde nicht mit uns to hus behoren, begerende, wii bii deme bringer juwes breves unse certificatien mit unser stad secrete vorsegeld darup geven willen, inholdende, dat van sodanen guderen hir deger nichtes to huss behore, wente gii vorstan hebben, wo greve Olrik tosprake to uns vermene to hebbende etc., hebben wy under lengeren meer worden wol vernomen. Des, besunderen guden frunde, don wii juw hirup fruntliken weten, wo wii mit deme erberen huren Olrike, in Oestvreessland etc. greven, wente uppe dessen dagh anders nicht weten dan leve unde fruntscop. Hirumme dunket uns nenerleyewiis nutte noch radsam, sodane certificatien in vorberorder mate to gevende, noch juwe certificatien so in ereme lude unvorwandelt to blivende, wente desulve greve Olrik mochte daruth begripen ene staltenisse der veide unde unwillen, den wii doch nicht mit eme weten, so vorgerort is, unde mochte uns ok vort bewanen unde vordenken, dat wii juw clage van derwegen vorbracht unde ene besecht hedden, darvan uns schade unde nadeel irwecket unde upstaen mochte, unde alse denne juwe besegelde certificatie vermiddelst den juwen unde anderen darinne genomet, besworen is, dat sullike guder hir nicht to hues horen etc., so bidden wii deger fruntliken, gii overtrachtende unse vorscr. beweginge, sodane certificatien in deme parte willen laten wandelen, so dat se lude, dat sullike gudere tobehoren den personen in dersulven certificatien uthgedrucket unde anders nemande, unde doen deger nene beroringe van unser wegene umme sake vorgetellet. Und wes gii des doende werden, begeren wii juwe bescreven antworde bii desseme jegenwardigen. Syd Gode sund unde salich bevalen. Screven under unser stad secreete, ame dinxedage negest na deme sondage, als men in der hilligen kerken singet Letare, anno etc. LXVIto.
Borgermestere unde radmanne to Hamborgh.
