| Nummer:oub0886 | Datum:17. April 1470 | Überlieferung:Editie | Fundstelle:Ostfriesisches Urkundenbuch, I, S. 765, nr. 886 |
Bürgermeister und Rath von Hamburg schreiben an den Häuptling Edo Boynges zu Gödens, dass sie ihm in Betreff des Schadenersatzes von 5000 Rh. Gulden, welchen Alko, Lubbo Onken und Sirk zur Friedeburg von ihnen gefordert haben, nach einer Besprechung mit den übrigen Städten antworten wollen.
Deme ersamen vorsichtigen Eeden Boynges, to Gudenzee hovetlinge, unnseme besunderen guden frunde.
Unsen frundliken grut mit begeringe alles gudes tovoren. Ersame besundere gude frund. De ersamen her Hinrik Lopouw, unse borgermester, unde her Johan Gherwer, unsre radesmedekumpan, hebben uns getoget etlike juwe scrifte en benalet van wegen der schelinge unde unwillen twisschen Alleken, Lubbe Onneken unde Sirke tor Fredeborg unde uns irresen berorende, uthe welliken wy juwe truwe, gude vorraminge unde bestellinge to unser behoeff wol gemerket hebben, des wii juw billiken, so sik gebord, frundliken bedanken, unde gerne gudliken wedder vorschulden willen na vormoge. Unde alse gii denne mangk anderen vort schriven, wo de erben. Alleke unde Lubbe juw berichtet hebben, dat en nicht wol evenekome lengere dage mit uns, sunder dat de sake mochte to eneme gantsen ende komen, deshalven se denne vor eren schaden nemen willen, ift en dat weddervaren moge van uns unde den osteren steden, de desse sake mit uns vorhandelt hebben viifdusent Rinsche guldne etc. Des, leve frund, konen wii uns hastigen sulliken erberorden steden, so gii unde en islik wol erkennen mach, nicht benalen. Mochten gii nu vorarbeiden, dat desse sake opgescuttet worde een jaer langh ifte tome mynnesten wente to sunte Michaelis dage negestkomende[*] in gude antostande, binnen der middelen tiid wolden wii uns mit sodanen steden dessetmede andrepende tor sprake unde mundlikem vorhandele vogen, unde juw des denne unse bescreven antworde laten weten. Wii willen ok desse handelinge na juwem begere bestellen radeswise hemelik to blivende unde to entholdene, des yu uns so wol mogen geloven. Wes gii desses van en beholden mogen unde se upnemen willen, begeren wii juwe bescreven antworde bii desseme jegenwardigen. Gode lange sund bevalen. Screven under unser stad secrete, ame dinxedage na Palmsondage anno etc. LXXo.
Borgermestere unde radmanne to Hamburg.
Unsen frundliken grut mit begeringe alles gudes tovoren. Ersame besundere gude frund. De ersamen her Hinrik Lopouw, unse borgermester, unde her Johan Gherwer, unsre radesmedekumpan, hebben uns getoget etlike juwe scrifte en benalet van wegen der schelinge unde unwillen twisschen Alleken, Lubbe Onneken unde Sirke tor Fredeborg unde uns irresen berorende, uthe welliken wy juwe truwe, gude vorraminge unde bestellinge to unser behoeff wol gemerket hebben, des wii juw billiken, so sik gebord, frundliken bedanken, unde gerne gudliken wedder vorschulden willen na vormoge. Unde alse gii denne mangk anderen vort schriven, wo de erben. Alleke unde Lubbe juw berichtet hebben, dat en nicht wol evenekome lengere dage mit uns, sunder dat de sake mochte to eneme gantsen ende komen, deshalven se denne vor eren schaden nemen willen, ift en dat weddervaren moge van uns unde den osteren steden, de desse sake mit uns vorhandelt hebben viifdusent Rinsche guldne etc. Des, leve frund, konen wii uns hastigen sulliken erberorden steden, so gii unde en islik wol erkennen mach, nicht benalen. Mochten gii nu vorarbeiden, dat desse sake opgescuttet worde een jaer langh ifte tome mynnesten wente to sunte Michaelis dage negestkomende[*] in gude antostande, binnen der middelen tiid wolden wii uns mit sodanen steden dessetmede andrepende tor sprake unde mundlikem vorhandele vogen, unde juw des denne unse bescreven antworde laten weten. Wii willen ok desse handelinge na juwem begere bestellen radeswise hemelik to blivende unde to entholdene, des yu uns so wol mogen geloven. Wes gii desses van en beholden mogen unde se upnemen willen, begeren wii juwe bescreven antworde bii desseme jegenwardigen. Gode lange sund bevalen. Screven under unser stad secrete, ame dinxedage na Palmsondage anno etc. LXXo.
Borgermestere unde radmanne to Hamburg.
