Der Johanniter-Ordens-Kommissar und Komthur von Muhde bekundet einen vor versammeltem Kapitel zwischen dem Komthur von Jemgum und der Byawe, der Tochter von Schwester Ocka, abgeschlossenen Tausch von Ländereien zu Mitling und Jemgum.

Ik broder Aynardus Lheris, eyn commendator des huses tor Muden unde eyn otmodich commissarius des erwerdigen mesters in Vresland, ordens sunte Johans baptisten, enkenne openbaer in dessen openen besegelden breve, wo vor my int capittel zint gekomen de ersame her Heuwo, commendator des huses to Jemgum, unde vorleet, gaff vry, qwyd, Byawen, suster Ocken echte dochter, unde oren ervend, sodane rechticheit he hadde to deme lande, beleghen to Midlingen, daer he vor betalt hadde van weghene des caventes deme erborn Haien tor Papenborch, provest to Lheer, hundert beschedene goldene Rinsche gulden, so dat see oren willen daermede moghen doen unde laten waer en des belevet. Voer welkeer land de vorg. suster Ocka vry, qwyd schalt unde overgaff deme vorg. cavente sodane erve unde werff se liggende hadde to Jemgum, dat wederumme to beholdene unde to brukene to ewighen tyden, so dat se noch nemant van orer weghene seholen noch willen an tokomenen tyden bed kronen [*] offt spreken uppe dat vorg. erve unde werff sunder al argelist. Daerby weren her Albert, her Herman unde vele guder broder; unde des tod eynen rechten tughe der waerheit, wante desse vorlatynghe unde overgeffynge vor my broder Aynardus vorg. scheyn is, so hebbe ik myn ingesegele witliken heten hanghen an dessen breff. Ins jaer unses Heren M^oCCCC^oLXXI^o, ame dinxedage na deme sondage Vocem iocunditatis.[*]

x

x

Bestand	Ostfriesisches Urkundenbuch, II
Fol. Nr.	S. 1
Nr	897
Olim	Orig. Perg. Komm. Jemgum, Urk. Nr. 22
Jahr	1471
Datumcode	MpVocJoc

x

x

x

Kommentar	Siegel: Ein von einem Engel gehaltener Wappenschild, auf welchem ein Kleeblatt. S. Ainardi in Muda.

x

Material	papier

x

Editionen	E. Friedländer, Ostfriesisches Urkundenbuch II (Emden 1881), nr. 897