| Nummer:oub0911 | Datum:17. Dez. 1472 | Überlieferung:Editie | Fundstelle:Ostfriesisches Urkundenbuch, II, S. 12, nr. 911 |
Quittung der Griffin Theda über 300 ihr und ihren Brüdern von Snelger von Uphusen gezahlte Arnoldsgulden.
Wi Thede, grevinne in Oestfrieslandt, bekennen apenbaer in desser schrifft voer alsweme, dat Keno und Ocko, hovetlinge, unse broedere, hebben van unser und erer wegen thosamen entvangen und upgeboeret van Snelger, tho Uphusen hovetling, drehundert Arnsgulden, [*] hoerkamende van Hayken tho Oldersum und saligen Haren sines broders kinderen na inholt twyer nottulen thovoren darup gemaket, welcke upboringe is geschehen up data desser zedulen mit unsen willen. Hyr weren mede bi und aver broeder Heino, gordiaen, und broeder Werner tho Emeden, heer Herman Blome cappellaen und heer Niclaes tho Uphusen vicarius, und Johan van Wynsen, und des tho tuege hebbe wi Thede vorgescr. unse signett doen drucken up dessen breff. Datum anno Domini MoCOCCoLXXIIo, in quinta feria post Lucie virginis.
