Hauptseite

Nummer:oub0922

Datum:29. April 1485

Überlieferung:Editie

Fundstelle:Ostfriesisches Urkundenbuch, II, S. 19, nr. 922

Regest

Testament des Ritters Sibo von Dornum, publicirt durch den Official von Münster.

In nomine Domini. Amen. Officialis terre Frisie, Monasteriensis diocesis, universis et singulis, ad quem vel ad quos presentes nostre littere pervenerint, salutem in Domino. Cum notitia subscriptorum noveritis, quod citatis peremptorie coram nobis, vigore et virtute cuisdam nostre citationis littere per affixionem eiusdem valvis ecclesie Emedensis execute, omnibus et singulis sua communiter vel divisim putandis interesse, ad feriam sextam proximam post dominicam Jubilate et horam decimam diei huiusmodi, ad instanciam nobilis et generose domine comitisse partium Oestfrisie, diocesis antedicte, ad comparendum coram nobis ac ad videndum et audiendum quasdam litteras testamenti quondam strennui domini Sibonis, militis dum vixit partium predictarum, sigillis diversorum dicte terre capitaneorum et aliorum inibi nominatorum sigillatas, coram nobis exhiberi et easdem transsumi et exemplari mandari nostrumque iudiciale decretum desuper sic quod transsumpto huiusmodi tamquam originalibus litteris in iudicio et extra stetur et plena fides adhibeatur per nos in forma iuris interponi vel ad dicendum et allegandum causas rationabiles, cur premissa minime fieri debeant cum intimatione debita et consueta, comparuit in huiusmodi citationis termino, die videlicet et hora predictis, coram nobis in domo hospicii nostri, ubi supra nobis inibi ad iura reddendum et causas audiendum sedentibus pro tribunali, providus vir magister Johannes Agricola, prelibate domine comitisse secretarius et eo nomine, qui et citatorum huiusmodi non comparentium contumaciam accusavit ipsosque per nos contumaces reputari et in eorum contumaciam litteras supradictas diversorum inibi nominatorum sigillis communitas sanas integras et illesas, non cancellatas, non viciatas sed omni prorsus vitio et suspicione carentes, tenoris infrascripti exhibuit et produxit, quarum quidem litterarum tenor inferius sequitur registratus. Et ulterius secretarius memoratus debite postulavit, cum ipsa nobilis domina comitissa principales huiusmodi litteras ad plura loca et negotia deferre eisque uti necessario haberet, ne litteras ipsas sic per locorum distancias delatas consumi, lacerari, amitti seu quovis alio diffortuni casu contingat vitiari, nonnullos testes fide dignos de et super recognitione sigillorum iam dictis litteris appensorum citare recipere et in forma iuris testium recipiendorum admittere illaquo pro recognitis habere et haberi decernere, necnon et easdem litteras per notarium nostrum infrascriptum transsumi et exemplari transsumptumque cum originalibus litteris collationari mandare atque eidem transsumpto in iudicio et extra fidem plenariam adhiberi debere decernere et nostrum decretum iudiciale et auctoritatem ordinariam interponere dignaremur; unde nos officialis supradictus petitioni huiusmodi annuentes citatos huiusmodi non comparentes neque termino huiusmodi satisfacere curantes, reputavimus contumaces et in eorum contumaciam prenarratas litteras originales coram nobis exhibitas et in suis carta et sigillis ceterisque substantialibus partibus examinavimus diligenter, ipsasque sanas, integras, illesas et omni prorsus vitio carere repertas, citatis tamen primitus nonnullis, videlicet venerabili domino et magistro Hickone de Dornum, legum licentiato etc., et honorabili domino Johanne Moerman, vicario ecclesie Emedensis, de et super recognitione seu angnitione sigillorum predictorum eisque iuratis diligenter et examinatis sigillisque huiusmodi per eos recognitis et per nos agnitis et pro agnitis habitis per dilectum nostrum notarium infrascriptum transsumi, transscribi et exemplari transsumptumque ipsum cum originalibus litteris fideliter auschultari mandavimus nostrumque et dicti officialatus auctoritatem ordinariam pariter et iudiciale decretum interposuimus et interponimus per presentes, volentes et auctoritate prefata decernentes, transsumpto huiusnodi in iudicio et extra, ubicunque locorum illud exhiberi contingat, sicud originalibus litteris plenariam fidem fore exhibendam. Acta fuerunt hec sub anno Domini millesimo quadringentesimo octuagesimo quinto, indictione tertia, pontificatu sanctissimi in Christo patris et domini nostri domini Innocentii [*] pape octavi anno eius primo, die Veneris supradicta, que fuit penultima mensis Aprilis, hora memorata, presentibus ibidem venerabili et honorabilibus dominis magistris Hinrico alias Hickone de Dornum, preposito Emedensi, et Johanne vicario prelibatis testibus ad premissa vocatis et rogatis. In quorum omnium et singulorum fidem et testimonium premissorum presentes nostras litteras seu presens publicum transsumpti instrumentum exinde fieri et per notarium nostrum subscribi et publicari mandavimus, sigillique officialatus dicte terre fecimus appensione communiri, sub anno et aliis quibus supra. Tenor vero littere seu [*] litterarum testamenti, de quibus supra fit mentio, sequitur et est talis:
... folgt oub0921 ...
S. N. Et ego Hinricus von Vyenden clericus Monasteriensis diocesis, publicus sacra imperiuli auctoritate venerabilisque curie Monasteriensis et coram supradicto venerabili domino officiali terre Frisie diocesis prelibate causarum notarius atque scriba communis et iuratus, quia supradictarum litterarum citacioni, reproductioni testamenti et ultime voluntatis collationi et auscultacioni omnibusque aliis et singulis premissis, dum sic ut premittitur fierent et agerentur una cum prenominatis testibus presens interfui illaque sic fieri vidi et audivi ideoque hoc presens publicum transsumpti instrumentum, manu alterius me aliis occupato negociis fideliter ingrossatum, subscripsi, publicavi et in hanc publicam formam redegi signoque et nomine meis solitis et consuetis una cum appensione sigilli officialatus dicte terre Frisie de eiusdem domini officialis speciali mandato desuper inde facto signavi rogatus et requisitus in fidem et testimonium omnium premissorum.

Recto:

«‹›»