Das Kloster Langen verkauft dem Pfarrer Sibrand zu Eilsum 6 näher bezeichnete Grase Landes im Larrelter Hammrich.(Vgl. die Urk. vom 11. Nov. 1479, Nr. oub1023).

Wy fratres Nycolaus provest, Jacobus prior, Hermannus, presters, suster Enne priorissa, suster Elka subpriorissa, doen witlick kundich unde openbaer alle den ghenen, de dessen breeff seen eder horen lesen openbaer bekennende in der waerheyt betughende vor alsweme, wo dat wi myt vryen willen unde vorberadene mode myt willen, raet unde vulboert unses ghemenen conventesluede to Langhermonneken hebben vorcoft rechtverdighen vryes steden vasten erfcopes ende vercopen yeghenwordighen in craff(t) desses breves deme ersamen beschedene manne heren Sybrande, kercheren to Edelsum, ses grase landes, gheleghen in Hlerlter hammerke, streckende myt den westerende an den Bonesche wech, mytter sudersyden an den Ondle wech, mitter nordersyden an Remet Ubbena laut, voer ene summe gheldes, de uns conventesluede vorbenomed vul unde al wal is betalet, de eerste pennynck mytten lesten na unsen willen unde ghenoghe, des wi hem dancken, so dat heer Sybrant vorscreven scal unde mach, unde syne rechte erfnamen scolen unde moghen, desse ses grase vorscreven vry unde velich ewichlick bruken to eren besten willen unde nutticheit sunder yemendes wederropen ende ansprake gheestelikes unde werlikes rechtes, alle arghelist, hulperede unde nye vunde utghesproken. Desses to tughe so hebben daer mede by an unde over ghewesen yeghenwordich Wyart Ockena, Sybrant Boelsena, inwoners to Hlerlte, unde anders vele gueder luede. In orkunde der waerheit so hebben wy Nycolaus provest vorbenomed unse conventesseghel wittelicken unde myt guden willen hanghen heten an dessen breeff. To merer tuechnisse der waerheit so hebbe wi personen vorbenomed vruntliken ghebeden den ersamen heren Hermen, kercheren to Hlerlte, umme synen inghesegel, den he witliken umme unse ghebede willen to den unsen hevet ghehanghen an dessen breeff. Int jaer unses Heren dusent veerhundert veer ende tseventich, ipso die Leonardi confessoris.

x

x

Bestand	Ostfriesisches Urkundenbuch, II
Fol. Nr.	S. 38
Nr	939
Olim	Orig. Perg. im Archive der Gesellschaft für bildende Kunst etc. zu Emden.
Jahr	1474
Datumcode	Leonar

x

x

Kommentar

Siegel: 1. Spitzoval. Oben drei gothische Nischen, in der mittleren höheren eine Heiligengestalt, rechts eine Heilige, deren Embleme nicht zu erkennen sind, anscheinend Weihrauchbecken und Lilienstengel, links ein Bischof mit Mitra, Stab und Buch. Darunter ein knieender Mönch. Umschrift: Sigillum conventus S. Jacobi in Langhen. 2. Ein Engel hält vor sich ein Wappenschild mit rechtem Schrägbalken, auf welchem zwischen 2 auf Hügeln stehenden 6blättrigen Rosen (blome) ein Gesicht im Profil dargestellt ist. Umschrift: S. Hermanni Blome presbyteri.

x

Material	papier

x

Editionen	E. Friedländer, Ostfriesisches Urkundenbuch II (Emden 1881), nr. 939