| Nummer:oub0999 | Datum:11. März 1478 | Überlieferung:Editie | Fundstelle:Ostfriesisches Urkundenbuch, II, S. 93, nr. 999 |
Eneke, die Witwe Focko Ukena's und ihr Enkel Hatet Ukena zu Twixlum tauschen mit dem Kl. Langen eine Reihe genau bezeichneter Grundstücke aus.
Nota diligenter, quod littera subscripta est contractus ac permutacionis prediorum cum Eneke vidua, relicta Fockonis Ukena et Hatet filio filii eius Ukonis in Twixlum duodecim cum dimidio graminatorum; qui quidem contractus ac permutacio factus est tali pacto ve(1) condicione, quod Hatet prescriptus pro testamento voluntarie ac sine aliqua condicione [*] dabat tria graminata de suis propriis prediis secundum tenorem littere subscripte monasterio sancti Jacobi in Langhena post mortem perpetue possidenda pro salute animarum parentum et specialiter omnium amicorum Fockonis Ukena predicti, quorum corpora requiescunt in cimiterio nostro conventuali (?). Acta sunt ista circa annos salutis nostre mille quadringentos septuaginta octo, in profesto eximii doctoris beati Gregorii pape.
Wij Eneke, salighe Focke Ukena echte huysvrouwe, ende Hatet Ukena, erers twyers soens soen, inwoners in Twixlum, doen witlick ende kundich alle den gheenen, die dessen brieff syen offte horen leesen openbaer bekennende in der waerheit voer allezweeme, hoe dat wij myt unsen vryen willen ende vorberadene moede, myt willen, raet ende volboert unser vryenden ende erven, hebben ghewisselt ende gebutet, wisselen ende buten to enen steede vaste ewige wissel in krafft des brieffs myt den eerwerdigen gheestelicken man here Sebastianus, proest to Langermonyken, myt rade ende consent synre priesteren, heer Jacob prior, her Adrianus kellener, suster Enne priorisse ende der gemeynder zusteren ende broederen; soe dat wij hebben untfangen van dat convent vorben. twee ende twentich grase landes in Twyxlummer hamrijck gelegen, achte grase tuschen die Thyaerdwey ende die grone wech, geheyten in Seywarts gara, ende twee grase in Allyngmede, streckende myt den enen ende an die Leghe wey ende myt die ene syde an de ver werlde werff in eene fen van vyer grasen. Item ses grase bij die Ee weyke, streckende myt de eene ende an de maer ende vuff grase by Pewessumer til streckende an die maer, geheyten in die Daethierne, ende een gras in Filich loend bij die Tyaerdwey; voer welcke lant wij hebben dat convent vorben. weeder ghedaen dertyenstehalve grase landes, gras voer gras, drye gelegen in Loeghender hamryck fenland in die grote Kremynghe, geheyten Wymyngmede, de ick Eneke vorben. gegeven hadde den convent erghen. ewelick te bruken na Hatets vorben. doet, voer unse zielen to bidden, de to unsen herd hopende synt, voer welcke drie grase sal men den convent weeder geven na Hatets erghen. doet anders drie grase van syne nalatende erve sonder enyghe wederroepen offte spreken. Ende vier grase by die Maermede till. Item vierdehalff gras by die Maermede wey, ghecofft van Ewo Herena to Waltzeten, ende twe grase in Awynga wilda mede, gecofft van zalige Ome to Langena, ende die ander tyendehalff gras hebben wij deme provest ende convent vorben. vul ende all degher betaelt de yerste pennynck myt den lesten, na uutwysinge unser brieve gezegelt myt des convents ende heren Nompno to Twixlom kerckheer ingezegel. So dat convent vorben. sal ende mach vrij ende veylich ewelick bruken desse dertyenste halff grase landes vorbescr. na haren will ende nutticheyt; ende weere yemant, die up dit vorscr. erve in toecomen tijde dachte anclaghe te doen van dessen wissels wegen, des wij doch nycht en vermoeden, so sullen wij Eneke ende Hatet vorscr. ende willen ende unse erven, boren unde ungheboren, scholen ende willen deme convent vorben. vrij, quijt unde schadeloes holden van alle ansprake gheestelickes ende werlickes rechtes, waer, wanneer ende so vaken als dat deme convent noet off behoeff is sonder alle argelist, intoch off behehynge, hulpereden ende nye vonde uutgesproken. Welck summe gheldes van uns gheboert van des copes wegen des landes vorscr. heefft die proest ende dat convent erghen. bestedighet weder te copen ende in te lossen, de elven grase landes, die Remyt Ubbena inwoner to Hlerlt in vortyden vercofft waren van dat convent up een wedercoep. Des te tughe so hebben hier mede yeghenwordich, bij, an ende over gheweesen als warachtige tugeslude heer Remyt vicarius te Twixlum, Ewo te Betteweer, Udo te Hamswerum, Uko Ubbena, Auwo ende Focko broeders, borghers to Emden, ende anders vele goeder lude. In orkonde der warheit ende meerre getuychenisse so hebben wij Eneke ende Hatet vorben. vruntlicken gebeden de eersame bescheydene manne heren Nompno, unse kerckhere to Twixlum, heren Herman, kerckhere to Larlt, ende heer Herman, kerckhere to Langen, om haren ingezegel, die sij witlicken ende myt goeden willen om unser bede willen hebben hangen an dessen brieve. Na der boert Christi dusent vierhondert in deme achten ende tseventichte jare, in profesto Gregorii pape et confessoris.
Wij Eneke, salighe Focke Ukena echte huysvrouwe, ende Hatet Ukena, erers twyers soens soen, inwoners in Twixlum, doen witlick ende kundich alle den gheenen, die dessen brieff syen offte horen leesen openbaer bekennende in der waerheit voer allezweeme, hoe dat wij myt unsen vryen willen ende vorberadene moede, myt willen, raet ende volboert unser vryenden ende erven, hebben ghewisselt ende gebutet, wisselen ende buten to enen steede vaste ewige wissel in krafft des brieffs myt den eerwerdigen gheestelicken man here Sebastianus, proest to Langermonyken, myt rade ende consent synre priesteren, heer Jacob prior, her Adrianus kellener, suster Enne priorisse ende der gemeynder zusteren ende broederen; soe dat wij hebben untfangen van dat convent vorben. twee ende twentich grase landes in Twyxlummer hamrijck gelegen, achte grase tuschen die Thyaerdwey ende die grone wech, geheyten in Seywarts gara, ende twee grase in Allyngmede, streckende myt den enen ende an die Leghe wey ende myt die ene syde an de ver werlde werff in eene fen van vyer grasen. Item ses grase bij die Ee weyke, streckende myt de eene ende an de maer ende vuff grase by Pewessumer til streckende an die maer, geheyten in die Daethierne, ende een gras in Filich loend bij die Tyaerdwey; voer welcke lant wij hebben dat convent vorben. weeder ghedaen dertyenstehalve grase landes, gras voer gras, drye gelegen in Loeghender hamryck fenland in die grote Kremynghe, geheyten Wymyngmede, de ick Eneke vorben. gegeven hadde den convent erghen. ewelick te bruken na Hatets vorben. doet, voer unse zielen to bidden, de to unsen herd hopende synt, voer welcke drie grase sal men den convent weeder geven na Hatets erghen. doet anders drie grase van syne nalatende erve sonder enyghe wederroepen offte spreken. Ende vier grase by die Maermede till. Item vierdehalff gras by die Maermede wey, ghecofft van Ewo Herena to Waltzeten, ende twe grase in Awynga wilda mede, gecofft van zalige Ome to Langena, ende die ander tyendehalff gras hebben wij deme provest ende convent vorben. vul ende all degher betaelt de yerste pennynck myt den lesten, na uutwysinge unser brieve gezegelt myt des convents ende heren Nompno to Twixlom kerckheer ingezegel. So dat convent vorben. sal ende mach vrij ende veylich ewelick bruken desse dertyenste halff grase landes vorbescr. na haren will ende nutticheyt; ende weere yemant, die up dit vorscr. erve in toecomen tijde dachte anclaghe te doen van dessen wissels wegen, des wij doch nycht en vermoeden, so sullen wij Eneke ende Hatet vorscr. ende willen ende unse erven, boren unde ungheboren, scholen ende willen deme convent vorben. vrij, quijt unde schadeloes holden van alle ansprake gheestelickes ende werlickes rechtes, waer, wanneer ende so vaken als dat deme convent noet off behoeff is sonder alle argelist, intoch off behehynge, hulpereden ende nye vonde uutgesproken. Welck summe gheldes van uns gheboert van des copes wegen des landes vorscr. heefft die proest ende dat convent erghen. bestedighet weder te copen ende in te lossen, de elven grase landes, die Remyt Ubbena inwoner to Hlerlt in vortyden vercofft waren van dat convent up een wedercoep. Des te tughe so hebben hier mede yeghenwordich, bij, an ende over gheweesen als warachtige tugeslude heer Remyt vicarius te Twixlum, Ewo te Betteweer, Udo te Hamswerum, Uko Ubbena, Auwo ende Focko broeders, borghers to Emden, ende anders vele goeder lude. In orkonde der warheit ende meerre getuychenisse so hebben wij Eneke ende Hatet vorben. vruntlicken gebeden de eersame bescheydene manne heren Nompno, unse kerckhere to Twixlum, heren Herman, kerckhere to Larlt, ende heer Herman, kerckhere to Langen, om haren ingezegel, die sij witlicken ende myt goeden willen om unser bede willen hebben hangen an dessen brieve. Na der boert Christi dusent vierhondert in deme achten ende tseventichte jare, in profesto Gregorii pape et confessoris.
