Hauptseite

Nummer:oub1023

Datum:11. Nov. 1479

Überlieferung:Editie

Fundstelle:Ostfriesisches Urkundenbuch, II, S. 110, nr. 1023

Regest

Sibrand von Petkum, Pfarrer zu Eilsum, schenkt dem Kloster Marienthal zu Norden 6 Grase im Larrelter Westerhammrich, die er früher vom Kloster Langen gekauft hat.

Ich Sijbrandus van Pettium, kerckhere to Edelsum, do witlick, kundich unde openbar allen ersamen erberen vromen luden, de dessen breeff zeen offte horen lesen, dat ick myt vrien willen hebbe ghegheven unde gheve jegenwordich in unde myt crafft dessen breves den erbaren gheestliken vader den abbet to den Oldenkloster to Norden, anders gheheten vallis sande Marie, ordinis sancti Benedicti, unde den susteren unde broderen unde oren nakomelinghen, ses grase etlandes, beleghen ynna Hlerter westerhammerik, na uthwisinghe enes breves, [*] als ic dat ghekofft hebbe van den proveste unde convente to Langhen, wo offte war dat beleghen is; welken breff dat convent unde her Hermen Blome, kerckhere to Hlert, hebben beseghelt mid zodanen vorworden unde underschede, dat ick Sijbrandus vorscreven ditsulve lant wil bruken, dewile dat ick leve unde hir bynnen erden bin, unde na mynen dode mach desulve gheestlike vader de abbet unde dat convent unde ore nakomelinghe, boren unde ungheboren, desse sulve ses grase bruken, vorwesselen, vorkopen unde darmede doen wes em belevet, alle argelist, hulperede unde nye funde uthghesecht. Des to tughe hebben hiir mede, by, an unde over ghewesen her Feyko, medekerckhere to Norden, her Sicko, vicarius to Edelsum. In orkunde der warheit, zo heb ick Sijbrandus kerckhere vorscreven myn inghesegel witliken hanghen to dessen breve. Na der bord Christi M^o CCCC^o LXXIX^o, ipso die sancti Martini episcopi.

Recto:

«‹›»