| Nummer:oub1038 | Datum:18. Okt. 1480 | Überlieferung:Editie | Fundstelle:Ostfriesisches Urkundenbuch, II, S. 123, nr. 1038 |
Hamburg an Lübeck: übersendet den Brief Edo's (Nr. oub1037) und schlägt vor, darüber zu konferiren.
Denne ersamen wisen heren burgirmeisteren und rathmannen der stad Lubek, unsen bisunderen guden frunden.
Recepta XIX. die mensis Octobris, anno etc. LXXXo.
Unse frundliken gruth mit vermoge alles ghuden tovoren. Ersamen wise heren, bisundern ghuden frunde. Alse gy uns nu unlanges schreven, begerende an Eden Wymmeken to schrivende von sodaner guder wegene, de de synen hebben angehalet, also isset dat wij von stund an, do uns de tijdinge von sulcher neminge erst quam, eer uns juwe breff ward, enen unserer husdenere mit unsen schifften an eme sanden, begerende dat sodane ghudere ungepartet unde ungebutet by een mochten bliven, wente wij engkede vorfarenheid darvon hedden, dat juwe[*] unse unde andere frome borgere unde coplude von der Hanse dar itliche gudere mede hedden etc., also hefft he uns darup weddir in antworde gescreven, so gy in diesser ingelechten synes breves waren copien wol werden vernemen; also dungket uns von noden to synde, dat gy unde wij darto dengken mit dem besten umme des fordere to worden to kamende jo eer jo lever, angezeen darane mergklichen is to donde, unde wes des juwe gude andacht is, willet uns schrifftliken weddirumme laten weten. Gode selichliken bevalen. Screven under unser stad secrete, ame daghe Luce ewangeliste, anno etc. LXXXo.
Burgirmeistere unde rathmannen der stad Hamburgh.
Recepta XIX. die mensis Octobris, anno etc. LXXXo.
Unse frundliken gruth mit vermoge alles ghuden tovoren. Ersamen wise heren, bisundern ghuden frunde. Alse gy uns nu unlanges schreven, begerende an Eden Wymmeken to schrivende von sodaner guder wegene, de de synen hebben angehalet, also isset dat wij von stund an, do uns de tijdinge von sulcher neminge erst quam, eer uns juwe breff ward, enen unserer husdenere mit unsen schifften an eme sanden, begerende dat sodane ghudere ungepartet unde ungebutet by een mochten bliven, wente wij engkede vorfarenheid darvon hedden, dat juwe[*] unse unde andere frome borgere unde coplude von der Hanse dar itliche gudere mede hedden etc., also hefft he uns darup weddir in antworde gescreven, so gy in diesser ingelechten synes breves waren copien wol werden vernemen; also dungket uns von noden to synde, dat gy unde wij darto dengken mit dem besten umme des fordere to worden to kamende jo eer jo lever, angezeen darane mergklichen is to donde, unde wes des juwe gude andacht is, willet uns schrifftliken weddirumme laten weten. Gode selichliken bevalen. Screven under unser stad secrete, ame daghe Luce ewangeliste, anno etc. LXXXo.
Burgirmeistere unde rathmannen der stad Hamburgh.
