| Nummer:oub1046 | Datum:18. Dez. 1480 | Überlieferung:Editie | Fundstelle:Ostfriesisches Urkundenbuch, II, S. 132, nr. 1046 |
Häuptling Edo Wiemken antwortet der Gräfin Theda von Ostfriesland auf ein Schreiben hinsichtlich der von ihm genommenen neutralen Güter der Hansestädte.
Der eddelen unde walgebornen vrowen Theden, in Oestvriesland gravynne, myner gnedigen leven vrowen, fruntlichen ghescreven.
Eddele unde walgeborne gnedige leve vrowe. Juwen breff an rny ghesand, dairby der ersamen radessendeboeden der Wendeschen stede breff an juwe gnaden ghesand, hebbe ick samptlichen to guder mathe wal vorstaen, unde voeghe juwen gnaden dair fruntliche up weten, woe ick in vorledenen tyden meer dan to eynen male, eer ick jenyghe anhalinge dede uppe de Hollandere, an de ersamen rede to Lubeke unde Hamborch myne saeke vorscreff unde vorklagede, unde van en begherende was, zee orem koepmanne unde schipheren wolden vorwitlichen, unde waernede, nae den tijden myd den genanten Hollandern mynen openbaren vyanden nene menghynghe orer gudere tor zee maeken, ock nicht up Hollandesche boedeme schepeden, edder neyne Hollandesche guedere en foerden, wente wair ick sodane overqueme, dechte ich by to farende ghelijck mynen vyanden, dairup hebbe ick sodane anhalinge ghedaen unde offt dair jenighe Oestersche guedere mede syn, zyn ghenomen mangh myner vyande guedere unde up vyande boedeme; hijrumme ick my vorhoepe soedane guedere nycht plegende sy wedder to richtene, anghezeen ick my vorscreven unde vorboeden hebbe an heren, stede unde frunde, oestwert unde westwerth, de myner noch to allen tijden in rechtverdigen saeken schollen mechtich syn, jedoch mochte soedaens in tokomene tijden meer vorhoet syn van deme Oesterschen koepmanne unde schipheren, de nae dessen tyden myd den velgenanten mynen vyanden nene menghynge tor zee makeden, alze vorg. ys, hen tor tijd my van on ghelijck, eere unde recht wedderfaren mochte, unde waer ick na dessen tijden sodaen overqueme, my dairby mochten hebben ghelijck mynen vyanden sunder vorscryvent, ankeerynghe unde wedderspraeke der Oesterschen Henzestede, denne wolde ick noch myd mynen frunden torugghe spreken unde wolde my by densulfften Oesterschen guederen, de by my synd gekomen, gheboerlichen hebben. Goede allmechtich zyn juwe gnaden zalych unde gesunt to langen tijden bevoelen. Screven under mynen signete, des maendages nae Lucie virginis, anno etc. LXXXo.
Ede Wymken, tho Jever etc. hovetlingh.
Eddele unde walgeborne gnedige leve vrowe. Juwen breff an rny ghesand, dairby der ersamen radessendeboeden der Wendeschen stede breff an juwe gnaden ghesand, hebbe ick samptlichen to guder mathe wal vorstaen, unde voeghe juwen gnaden dair fruntliche up weten, woe ick in vorledenen tyden meer dan to eynen male, eer ick jenyghe anhalinge dede uppe de Hollandere, an de ersamen rede to Lubeke unde Hamborch myne saeke vorscreff unde vorklagede, unde van en begherende was, zee orem koepmanne unde schipheren wolden vorwitlichen, unde waernede, nae den tijden myd den genanten Hollandern mynen openbaren vyanden nene menghynghe orer gudere tor zee maeken, ock nicht up Hollandesche boedeme schepeden, edder neyne Hollandesche guedere en foerden, wente wair ick sodane overqueme, dechte ich by to farende ghelijck mynen vyanden, dairup hebbe ick sodane anhalinge ghedaen unde offt dair jenighe Oestersche guedere mede syn, zyn ghenomen mangh myner vyande guedere unde up vyande boedeme; hijrumme ick my vorhoepe soedane guedere nycht plegende sy wedder to richtene, anghezeen ick my vorscreven unde vorboeden hebbe an heren, stede unde frunde, oestwert unde westwerth, de myner noch to allen tijden in rechtverdigen saeken schollen mechtich syn, jedoch mochte soedaens in tokomene tijden meer vorhoet syn van deme Oesterschen koepmanne unde schipheren, de nae dessen tyden myd den velgenanten mynen vyanden nene menghynge tor zee makeden, alze vorg. ys, hen tor tijd my van on ghelijck, eere unde recht wedderfaren mochte, unde waer ick na dessen tijden sodaen overqueme, my dairby mochten hebben ghelijck mynen vyanden sunder vorscryvent, ankeerynghe unde wedderspraeke der Oesterschen Henzestede, denne wolde ick noch myd mynen frunden torugghe spreken unde wolde my by densulfften Oesterschen guederen, de by my synd gekomen, gheboerlichen hebben. Goede allmechtich zyn juwe gnaden zalych unde gesunt to langen tijden bevoelen. Screven under mynen signete, des maendages nae Lucie virginis, anno etc. LXXXo.
Ede Wymken, tho Jever etc. hovetlingh.
