| Nummer:oub1057 | Datum:11. Mai 1481 | Überlieferung:Editie | Fundstelle:Ostfriesisches Urkundenbuch, II, S. 144, nr. 1057 |
Edo Wiemken erklärt sich den zu Hamburg zum Hansetage vereinigten Lübischen Rathssendeboten und dem Rathe zu Hamburg gegenüber wiederholt bereit, einen Theil der von den Seinigen weggenommenen neutralen Güter herauszugeben.
Den ersamen voersichtighen unde beschedenen radessendebaden der stad Lubeke, to Hamborch to dage wesende, unde deme rade darzulfvest, mynen guden frunden, fruntliken screven, detur.
Recepta XVII. mensis Maii, anno etc. LXXXIo.
Vruntlyken groet mit vormoghen alles guden tovoren. Ersamen vorsichtigen unde beschedenen guden frundes. Alz gij beroren in juwen scriften nu ame nylickesten am my gedaen, wo ick in mynen voerscriften an juw beroert hebbe, indeme gij juwen koepman mit den Hollanderen nene menghinge orer guder to makende noch up ore bodeme schepeden wolden warschuwen, wolde ick my in wedergevinghe der Oesterschen guder geboerlyken hebben etc., welckeer waerschuwinghe gescheen zij mochte ick mynen voerscriften so nicht werden nagaende eder genochdoende, wente ick deme unschuldyghen koepmanne 6 de geringesten tarlinge lakens gescreven hebbe wedertogevende etc.; dusses, ersamen guden frunde, vormene ick mij gij in mynen voerscriften nicht vynden scholen, ich de Oesterschen gudere van den mynen angehalet genslyken wolde wedergheven, sunder in mynen vorscriften an juw unde de ersamen radessendebaden der Wendeschen stede hebbe ick bewert, indeme sodaen warschuwinghe voerberoert gescheen mochte, denne wolde ick mij bij den Oesterschen guderen, van den mynen angehalet, gelymplyken eder geboerlyken hebben, dess ick my vorhape mynen voerscrifften nerghen anne to kort enbede eder gebaden hebbe, nachdeme ick juwer ersamheyt unde deme Oesterschen kopmanne to willen unde leeffmode sodan 6 tarlinghe lakens, by my beholden, geerne wolde wedergeven; wowol ick in mynen vorscriften an juw gedaen, de gij sunder twyvel wol in bewaringhe hebben, meer dan to enem male van juw begeert hebbe, gij juwen schipper unde koepman wolden waerschuwen, de mit mynen vyanden, den Hollanderen, nene menghinghe tor see makeden, wente, wer ick sodaen averqweme, dachte ick my bij to holdende gelijck mynen vyanden etc., jodoch indeme juw ersamheyt unde de Oestersche koepman sodan wederbedinghe willen to dancke unde fruntschoppen hebben, den scholen de vorbenompten ses tarlinghe lakens to juwer unde des koepmans behoeff in guder bewaringhe wesen, wente up sunte Johans dach tho myddensomere naestkomende, [*] dat andere want iss genslyken gebutet unde vorrucket, des gij in der warheyt nicht anders irfaren scholen, dar iss my nycht wol weder bij to komende eder to belegghende. Gade almachtich bevolen. Screven under mynen singnete, ame vrydaghe na Johannis ante portam latinam, anno etc. LXXXIo.
Ede Wymeken, tho Jever etc. hovetling.
Recepta XVII. mensis Maii, anno etc. LXXXIo.
Vruntlyken groet mit vormoghen alles guden tovoren. Ersamen vorsichtigen unde beschedenen guden frundes. Alz gij beroren in juwen scriften nu ame nylickesten am my gedaen, wo ick in mynen voerscriften an juw beroert hebbe, indeme gij juwen koepman mit den Hollanderen nene menghinge orer guder to makende noch up ore bodeme schepeden wolden warschuwen, wolde ick my in wedergevinghe der Oesterschen guder geboerlyken hebben etc., welckeer waerschuwinghe gescheen zij mochte ick mynen voerscriften so nicht werden nagaende eder genochdoende, wente ick deme unschuldyghen koepmanne 6 de geringesten tarlinge lakens gescreven hebbe wedertogevende etc.; dusses, ersamen guden frunde, vormene ick mij gij in mynen voerscriften nicht vynden scholen, ich de Oesterschen gudere van den mynen angehalet genslyken wolde wedergheven, sunder in mynen vorscriften an juw unde de ersamen radessendebaden der Wendeschen stede hebbe ick bewert, indeme sodaen warschuwinghe voerberoert gescheen mochte, denne wolde ick mij bij den Oesterschen guderen, van den mynen angehalet, gelymplyken eder geboerlyken hebben, dess ick my vorhape mynen voerscrifften nerghen anne to kort enbede eder gebaden hebbe, nachdeme ick juwer ersamheyt unde deme Oesterschen kopmanne to willen unde leeffmode sodan 6 tarlinghe lakens, by my beholden, geerne wolde wedergeven; wowol ick in mynen vorscriften an juw gedaen, de gij sunder twyvel wol in bewaringhe hebben, meer dan to enem male van juw begeert hebbe, gij juwen schipper unde koepman wolden waerschuwen, de mit mynen vyanden, den Hollanderen, nene menghinghe tor see makeden, wente, wer ick sodaen averqweme, dachte ick my bij to holdende gelijck mynen vyanden etc., jodoch indeme juw ersamheyt unde de Oestersche koepman sodan wederbedinghe willen to dancke unde fruntschoppen hebben, den scholen de vorbenompten ses tarlinghe lakens to juwer unde des koepmans behoeff in guder bewaringhe wesen, wente up sunte Johans dach tho myddensomere naestkomende, [*] dat andere want iss genslyken gebutet unde vorrucket, des gij in der warheyt nicht anders irfaren scholen, dar iss my nycht wol weder bij to komende eder to belegghende. Gade almachtich bevolen. Screven under mynen singnete, ame vrydaghe na Johannis ante portam latinam, anno etc. LXXXIo.
Ede Wymeken, tho Jever etc. hovetling.
