| Nummer:oub1062 | Datum:1481 | Überlieferung:Editie | Fundstelle:Ostfriesisches Urkundenbuch, II, S. 151, nr. 1062 |
Ein Aufsatz über den beabsichtigten Wiederaufbau der Sibetsburg, mit Angabe der zum Unterstützung desselben geschehenen Lieferungen und der Personalien der Betheiligten.
Eyn memorial.
Desset hebbe ick vorfarenn van etliken vromen luden, beyde geistlick unde wertlick, dat yunge Dure mit orlove unde consente yunckher Ede Wymeken to Yever hefft gheset eyn huus van sos vaken upp de vorborch to Sibetesborch unde hefft dar 24 grever gehat sedder in der vasten, unde hefft vor holt vordinget to der brugge in der herschop van Oldemborch, unde dar steyt eyn schone huus van holte to Senwarden, dat hort Alleken kinderen to, dat wille he laten sliten unde upp Sibetesborch setten; unde hebbe vort gehort, junckher Ede hebbe Duren gelovet unde vorsegelt desulven borch mit alle erer tobehoringe, broke, rechte unde unrechte in Rustringelande, dewile dat Dure levet; wen Dure doet is, so schal de borch unde dat darto horet, wedderkomen in yunckher Edenn unde synen erven, unde hefft vort Lubbe Onne frouwen genomen den tollen, den Lubbe unde sin frouwe unde sin sone na hadde van der brugge, de over de Made gheit, van luden, van ossen unde von allen gude, dat dar over geyt. Unde my is vort gesecht, yunckher Ede hebbe eme dar laten seyen hundert tunnen haveren unde hebbe eme to sechshundert tunnen beers unde hundert Rinsche gulden unde hundert syden speckes to hulpe to deme bouwende unde hebbe ock wol gehoret, dat id greve Olrikus frouwen unde ock vromen huusluden sere leet is, unde dat lutke karvel, dar he den kopman reyde mede beschediget hefft, dat hefft he bringen laten upp de Made unde de Made in dat schoneste deep, dat tusschen der Emese unde der Jade in de gronswarden so vere geyt.
Item Haye Hundes unde Lubbe Onnekenn de weren uppe Sibetesborch, do se ghewunnen wart, vor hovetlude, unde Haye dat was junckher Tannen vader unde Tanne dat was Ede Wymeken vader, de dissent buwent nu vortset unde vormiddelst Duren doen let; also nu in vortyden Haye Harldes unde Lubbe Onneken den steden hebben gelovet unde vorsegelt vor syck unde ere erven de borch nicht weder to bouwende tegen der stede willen, so is Ede Wymeken Hayen rechte erve, unde Lubbe Onneken hefft twee sones ock noch levendich, de eyne het Iko Onneken unde is up Kerpensen, den is desset, vormode ick my, untjegen, de ander het Ede unde wonet by Sibetesborch, man de en schippet nicht meher, dan Ede Wymcken will.
Desset hebbe ick vorfarenn van etliken vromen luden, beyde geistlick unde wertlick, dat yunge Dure mit orlove unde consente yunckher Ede Wymeken to Yever hefft gheset eyn huus van sos vaken upp de vorborch to Sibetesborch unde hefft dar 24 grever gehat sedder in der vasten, unde hefft vor holt vordinget to der brugge in der herschop van Oldemborch, unde dar steyt eyn schone huus van holte to Senwarden, dat hort Alleken kinderen to, dat wille he laten sliten unde upp Sibetesborch setten; unde hebbe vort gehort, junckher Ede hebbe Duren gelovet unde vorsegelt desulven borch mit alle erer tobehoringe, broke, rechte unde unrechte in Rustringelande, dewile dat Dure levet; wen Dure doet is, so schal de borch unde dat darto horet, wedderkomen in yunckher Edenn unde synen erven, unde hefft vort Lubbe Onne frouwen genomen den tollen, den Lubbe unde sin frouwe unde sin sone na hadde van der brugge, de over de Made gheit, van luden, van ossen unde von allen gude, dat dar over geyt. Unde my is vort gesecht, yunckher Ede hebbe eme dar laten seyen hundert tunnen haveren unde hebbe eme to sechshundert tunnen beers unde hundert Rinsche gulden unde hundert syden speckes to hulpe to deme bouwende unde hebbe ock wol gehoret, dat id greve Olrikus frouwen unde ock vromen huusluden sere leet is, unde dat lutke karvel, dar he den kopman reyde mede beschediget hefft, dat hefft he bringen laten upp de Made unde de Made in dat schoneste deep, dat tusschen der Emese unde der Jade in de gronswarden so vere geyt.
Item Haye Hundes unde Lubbe Onnekenn de weren uppe Sibetesborch, do se ghewunnen wart, vor hovetlude, unde Haye dat was junckher Tannen vader unde Tanne dat was Ede Wymeken vader, de dissent buwent nu vortset unde vormiddelst Duren doen let; also nu in vortyden Haye Harldes unde Lubbe Onneken den steden hebben gelovet unde vorsegelt vor syck unde ere erven de borch nicht weder to bouwende tegen der stede willen, so is Ede Wymeken Hayen rechte erve, unde Lubbe Onneken hefft twee sones ock noch levendich, de eyne het Iko Onneken unde is up Kerpensen, den is desset, vormode ick my, untjegen, de ander het Ede unde wonet by Sibetesborch, man de en schippet nicht meher, dan Ede Wymcken will.
