| Nummer:oub1071 | Datum:28. Juni 1481 | Überlieferung:Editie | Fundstelle:Ostfriesisches Urkundenbuch, II, S. 159, nr. 1071 |
Bremen an Hamburg: schickt Abschriften von Briefen wegen der Sibetsburg und der von Edo Wiemken genommenen 13 Ballen Tuchs.
Deme rade tho Hamborch.
Borgermestere unde radmanne der stad Bremen.
Post salutationem. Ersamen vorsichtigen leven heren, bisunders guden frunde. Als de ersamen van Lubeke ock juwe ersamheid unde wy unse ghedeputerden radesfrunde latest bynnen Buxtehude to dage gefoget hadden, unde dartho dat affscheit was, dat wy upgemelten dree stede schriffliken wolden erlangen an de woldadighen vrouw Theden, gravynnen in Oestvressland, ock an den duchtigen Eden Wymmeken, to Jever hovetlinge etc., van wegen der Sybetesborch dorch etlike buwe unde vestinghe, de junge Duere dar weder begint upthorichtende unde to buwende etc., so hebbe wy ock an den vorben. Eden Wymmeken der derteyn tarlinghe lakene halven, so wy dar ock muntlike sprake gehat, unde gy ock derwegen juwe schriffte an uns erlanget hebben, doen schriven, de ergemelte gravynne denne, ock de erben. Ede Wymmeken uns darup nu schrifftliken benalet hebben, so wy juw dersulven warhafftigen copien hijrinne mode vorsloten senden, daruth gy de menynghe wol vornemende werden. Vorder so desulvest unse affscheyd was, wy juw by dessen unsen schrifften unde ingelechten breven unsen raet unde gude menynghe scholden scriven etc., also en konnen wy juwer ersamheit deshalven, ehr wy van der upgenanten vrouwen Theden furder vorvarnisse unde ene entlike antworde, dar mass sick to vorlaten moghe, hebben, nicht entlikes tho scriven, men wan wy deshalven ene entlike antworde erlangen, willen wy uns denne na geborlick inne schicken, unde dat sick desser suss lange wente heretho vortrecket heft, en is by unsen schulden nicht thokomen, so gy ock in der copien des breves der vorgescr. vrouw Theden wol mogen irfaren bidden hijrumme deger fruntliken, desset den ersamen van Lubeke vorthan tho vorwitlikende, sick darnae moge syn to richtende, unde senden juwer ersamheit hijr ock mede inn vorsloten de copie des breves unde schriffte wy vor juw der dertheyn tarlinghe halven an de volgenanten Eden Wymmeken gescreven hebben mochten, wy ock juwer ersamheid, de wy Gode deme Heren vrolich unde gesunt bevelen, ock den ersamen van Lubeke furder woe denst unde willen ane bewisen, deden wy alletyt gerne. Gegeven ame avende sanctorum Petri et Pauli apostolorum, under unser stad secrete, anno etc. LXXXo primo.
Borgermestere unde radmanne der stad Bremen.
Post salutationem. Ersamen vorsichtigen leven heren, bisunders guden frunde. Als de ersamen van Lubeke ock juwe ersamheid unde wy unse ghedeputerden radesfrunde latest bynnen Buxtehude to dage gefoget hadden, unde dartho dat affscheit was, dat wy upgemelten dree stede schriffliken wolden erlangen an de woldadighen vrouw Theden, gravynnen in Oestvressland, ock an den duchtigen Eden Wymmeken, to Jever hovetlinge etc., van wegen der Sybetesborch dorch etlike buwe unde vestinghe, de junge Duere dar weder begint upthorichtende unde to buwende etc., so hebbe wy ock an den vorben. Eden Wymmeken der derteyn tarlinghe lakene halven, so wy dar ock muntlike sprake gehat, unde gy ock derwegen juwe schriffte an uns erlanget hebben, doen schriven, de ergemelte gravynne denne, ock de erben. Ede Wymmeken uns darup nu schrifftliken benalet hebben, so wy juw dersulven warhafftigen copien hijrinne mode vorsloten senden, daruth gy de menynghe wol vornemende werden. Vorder so desulvest unse affscheyd was, wy juw by dessen unsen schrifften unde ingelechten breven unsen raet unde gude menynghe scholden scriven etc., also en konnen wy juwer ersamheit deshalven, ehr wy van der upgenanten vrouwen Theden furder vorvarnisse unde ene entlike antworde, dar mass sick to vorlaten moghe, hebben, nicht entlikes tho scriven, men wan wy deshalven ene entlike antworde erlangen, willen wy uns denne na geborlick inne schicken, unde dat sick desser suss lange wente heretho vortrecket heft, en is by unsen schulden nicht thokomen, so gy ock in der copien des breves der vorgescr. vrouw Theden wol mogen irfaren bidden hijrumme deger fruntliken, desset den ersamen van Lubeke vorthan tho vorwitlikende, sick darnae moge syn to richtende, unde senden juwer ersamheit hijr ock mede inn vorsloten de copie des breves unde schriffte wy vor juw der dertheyn tarlinghe halven an de volgenanten Eden Wymmeken gescreven hebben mochten, wy ock juwer ersamheid, de wy Gode deme Heren vrolich unde gesunt bevelen, ock den ersamen van Lubeke furder woe denst unde willen ane bewisen, deden wy alletyt gerne. Gegeven ame avende sanctorum Petri et Pauli apostolorum, under unser stad secrete, anno etc. LXXXo primo.
