| Nummer:oub1073 | Datum:26. Juli 1481 | Überlieferung:Editie | Fundstelle:Ostfriesisches Urkundenbuch, II, S. 161, nr. 1073 |
Edo Wiemken schreibt an den Hamburger Rathsherrn Heinrich Salburch über die genommenen neutralen Waaren, den Wiederbau der Sibetsburg und seine Klagepunkte gegen die Holländer.
Gerne ersamen heren Hinrik Salburch, radmanne tho Hamborch[*] etc.
Recepta 2a Augusti anno etc. LXXXIo.
Ede Wymeken, tho Jever etc. hovetling.
Vruntliken grot myt vormoghe alles guden tovoren. Ersame unde vorsichtighe bisunderen gude frunt. Ich bedancke juwer ersamheit vor gude geschelschup (so) unde der geschencke myner husfrouwen; alss den ame latesten upper Jade unse affscheid was van itlikes vorhandels wegen uns entwischen juw des eyn antword wolde schicken, dusses word my kort darna vorwitliket, gy van dar gesegelt weren unde wolden dar wedder thor stede komen, darup sodan antword wentehertho entholden unde vorbedet is, beghere darumme my sodans nicht willen vorkeren. Ales gy denne int erste muntliken van my bevrageden, offt ick sodans, als deme Dudeschen copmanne manck myner vyende gudere van den mynen affgenomen is, wolde setten in eyn recht, wer ick sodans plegende were weder tho richtende edder nicht, des ich juw doe tor tyt, so kortliken neyn antword seggen en konde, darup ick juw fruntliken beghere weten, dat ick den ersmen van Lubeke unde Hamborch mer das to enem male hebbe gescreven unde van en begeret, se eren copman wolden warschuwen, de myt mynen opembaren entsechten vyanden nene menginge orer gudere tor zehe makeden, wente war ick sodane overqweme, dachte ick my by tho hebbende gelick myner vyande, darumme vormene ick my nicht plegende sy wedder tho richtende sodane gudere, unde is my ock nicht wol tho donde, wante de vuste vorkomen syn, jodoch als ick den steden in mynen vorschrifften gescreven hebbe van den guderen, de by my beholden syn, alss nomeliken 6 tarlinghe lakens, isset sake se de tho willen unde fruntschuppen willen wedderhebben, danne wil ick mynen vorschrifften deshalven vuldoen. Alss gy vorder beroren van deme gebuwte Sybetsborch, dar ick my den noch tor tyt gar weynich na geschicket hebbe, Sybetsborch borgewiss weder upthobuwende, jodoch ufft ich des in thokomenden tyden tho synne worde up myn angeborne vederlike erve dechte tho buwende, vormene ick my den steden edder nemende konde hinderlich sin, wente ick myt den Oesterschen steden jo anders nicht en weyth dan alle gud. Alss gy vorder roren van der twistigen sake twisschen my unde den Hollanderen tho wetende offt ick ock vruntlike insaghe lyden wolde unde wat de fruntschup wesen scholde, dar ich juwer ersamheit nicht wol up schriven kan, ehr ick weyt wer de genante Hollanders my ock rechtes plegen willen vor myne rechtverdigen clage ende thosage, de ick up se hebbe, der gy ame latesten upper Jade van my beghereden juw de wolde in schrifften senden, de ick juwer ersamheit dat meeste deil hyrinne vorsloten sende, [*] mochte gy dar wes gudes ane vorhandelen, wolde ick gerne umme juw vorschulden; mochte ick den van Hamborch waranne tho willen unde tho denste sin, scholden se my alle tyd gutwillich fynden, kennet God, de juwe ersamheit in guder wolmacht spare tho langen tyden. Screven under mynem signete, des donnerdages na sancti Jacobi apostoli, anno etc. LXXXo primo.
Recepta 2a Augusti anno etc. LXXXIo.
Ede Wymeken, tho Jever etc. hovetling.
Vruntliken grot myt vormoghe alles guden tovoren. Ersame unde vorsichtighe bisunderen gude frunt. Ich bedancke juwer ersamheit vor gude geschelschup (so) unde der geschencke myner husfrouwen; alss den ame latesten upper Jade unse affscheid was van itlikes vorhandels wegen uns entwischen juw des eyn antword wolde schicken, dusses word my kort darna vorwitliket, gy van dar gesegelt weren unde wolden dar wedder thor stede komen, darup sodan antword wentehertho entholden unde vorbedet is, beghere darumme my sodans nicht willen vorkeren. Ales gy denne int erste muntliken van my bevrageden, offt ick sodans, als deme Dudeschen copmanne manck myner vyende gudere van den mynen affgenomen is, wolde setten in eyn recht, wer ick sodans plegende were weder tho richtende edder nicht, des ich juw doe tor tyt, so kortliken neyn antword seggen en konde, darup ick juw fruntliken beghere weten, dat ick den ersmen van Lubeke unde Hamborch mer das to enem male hebbe gescreven unde van en begeret, se eren copman wolden warschuwen, de myt mynen opembaren entsechten vyanden nene menginge orer gudere tor zehe makeden, wente war ick sodane overqweme, dachte ick my by tho hebbende gelick myner vyande, darumme vormene ick my nicht plegende sy wedder tho richtende sodane gudere, unde is my ock nicht wol tho donde, wante de vuste vorkomen syn, jodoch als ick den steden in mynen vorschrifften gescreven hebbe van den guderen, de by my beholden syn, alss nomeliken 6 tarlinghe lakens, isset sake se de tho willen unde fruntschuppen willen wedderhebben, danne wil ick mynen vorschrifften deshalven vuldoen. Alss gy vorder beroren van deme gebuwte Sybetsborch, dar ick my den noch tor tyt gar weynich na geschicket hebbe, Sybetsborch borgewiss weder upthobuwende, jodoch ufft ich des in thokomenden tyden tho synne worde up myn angeborne vederlike erve dechte tho buwende, vormene ick my den steden edder nemende konde hinderlich sin, wente ick myt den Oesterschen steden jo anders nicht en weyth dan alle gud. Alss gy vorder roren van der twistigen sake twisschen my unde den Hollanderen tho wetende offt ick ock vruntlike insaghe lyden wolde unde wat de fruntschup wesen scholde, dar ich juwer ersamheit nicht wol up schriven kan, ehr ick weyt wer de genante Hollanders my ock rechtes plegen willen vor myne rechtverdigen clage ende thosage, de ick up se hebbe, der gy ame latesten upper Jade van my beghereden juw de wolde in schrifften senden, de ick juwer ersamheit dat meeste deil hyrinne vorsloten sende, [*] mochte gy dar wes gudes ane vorhandelen, wolde ick gerne umme juw vorschulden; mochte ick den van Hamborch waranne tho willen unde tho denste sin, scholden se my alle tyd gutwillich fynden, kennet God, de juwe ersamheit in guder wolmacht spare tho langen tyden. Screven under mynem signete, des donnerdages na sancti Jacobi apostoli, anno etc. LXXXo primo.
