| Nummer:oub1109 | Datum:Aurich, 8. Febr. 1485 | Überlieferung:Editie | Fundstelle:Ostfriesisches Urkundenbuch, II, S. 189, nr. 1109 |
Gräfin Theda gewährt dem Kloster Aduard die Erlaubniss, mit dem im Stift Osnabrück gekauften Roggen frei durch Ostfriesisches Gebiet zu fahren.
Wy Theda, gravinne in Oestfrieslandt, erkennen in dussen schriften, dat wij hebben georlovet den conventhe tho Adewerth alle den roggen doer und vorbij hen unsen landen tho laten voeren, den se gekoft hebben in stichte van Osenbrugge, so vele des is, sunder jemandes ader einich belettenth, tho orbar und nutte oires conventes. Is derwegen unse gude menunghe, wille, als vor weme dit warteken vor unsen leven getrouwen und amptlueden gewijset worth, dath men wijser dusses brieves sall fluten und vordern, sunder jenich belettenth lathen henfaren nha syn egen willen; und hebben des tho oirkunde unse secreetsegel neden hyrup heten drucken. Gegeven Ihn Awrigk, des saterdages vor Estomihi, ao. LXXXIIIo.
