| Nummer:oub1157 | Datum:27. Dez. 1485 | Überlieferung:Editie | Fundstelle:Ostfriesisches Urkundenbuch, II, S. 228, nr. 1157 |
Das Kloster Aland entleiht, um 12 Grase Landes zu kaufen, von Remed 29 alte Rheinische Gulden, und verpfändet ihm dafür einige Grundstücke.
Wi heer Jan Campis, proest tho Aalant, ende dat ghemene convent, bekennen ende betughen tghewoerdich mit desen oopennen ende beseghelden brief, hoe dat wy hebben gheleent van heer Remede neghen en twintich olde Rijnsgulden, doe wy die twalef grase land coften van Stilef Hayttensen tho Bargom; voer welker voescreven (!) gelt wy hebben ghesat ende setten theghenwoydich heer Remede voerghescreven vijfthallef gras landes, gheleghen inna Middelstalant, welcher lant hy scal ghebruyken ende syn nacomelinghen went totter tijt, dat hy sijn versamelde ghelt wederom heeft sonder eennigherlayd inrekinghe. Hier an ende over hebben by gheweest broder Jan van Appinghe ende heer Gherit van Goch ende Dirch, die proost knecht. In oerkonde ende meerder wairheit soe hebbe wy her Jan, proost, ende dat ghemeen convent dat conventsseghel anghehanghen. Int jaer (onses)[*] Heren dusent vierhundert ende vijffentachtich, op sunte Jans ewangelist dach.
