| Nummer:oub1431 | Datum:Aurich, 25. März 1495 | Überlieferung:Editie | Fundstelle:Ostfriesisches Urkundenbuch, II, S. 444, nr. 1431 |
Graf Uko von Ostfriesland unterrichtet Bürgermeister und Rath von Emden, dass er dem Otto von Meppen gestattet habe, Getreide in Emden umzutauschen und nach Meppen zu fahren.
Deme ersamen ende wysen borgemeistere unde rade unnser stadt Emeden, usen leven getruwen.
Uko, grave to Oestfrieslant. Unsen gunstigen gruet. Ersamen unnde wisen, besondern gueden frundes unde leven getrouwen. Uns hevet bericht Otto van Meppen jegenwordige toner, wo he nu woll ummetrent vier stige tunne roggen in unse stadt Emeden to orber unser borger gebracht, unde dairvoir weder gebuetet 20 tunne gerste, unde ouck hebbe geschepet 10 tunne gersten to behoeff der gilde unser leven Frouwen bynnen Meppen, uns fruntlichen gebeden wij eme sodanne garste uittovoren wulden staden, welck wy umme siner bede eme hebben upp dit maill georlevet unde gegant, he 30 tunne unde nicht meer mach uitvoren, in deme de wairheit is, dat he so veell roggen alldair gebracht hevet, wairmede gy eme mogen ungetovet varen laten, beholden in macht toln unde andere juwer umlegern, unde latet geene garste uitschepen anders, dat en sy mit unsers leven broders wille. Datum Awrick, ame midweken na Oculi, anno XCVo.
Uko, grave to Oestfrieslant. Unsen gunstigen gruet. Ersamen unnde wisen, besondern gueden frundes unde leven getrouwen. Uns hevet bericht Otto van Meppen jegenwordige toner, wo he nu woll ummetrent vier stige tunne roggen in unse stadt Emeden to orber unser borger gebracht, unde dairvoir weder gebuetet 20 tunne gerste, unde ouck hebbe geschepet 10 tunne gersten to behoeff der gilde unser leven Frouwen bynnen Meppen, uns fruntlichen gebeden wij eme sodanne garste uittovoren wulden staden, welck wy umme siner bede eme hebben upp dit maill georlevet unde gegant, he 30 tunne unde nicht meer mach uitvoren, in deme de wairheit is, dat he so veell roggen alldair gebracht hevet, wairmede gy eme mogen ungetovet varen laten, beholden in macht toln unde andere juwer umlegern, unde latet geene garste uitschepen anders, dat en sy mit unsers leven broders wille. Datum Awrick, ame midweken na Oculi, anno XCVo.
