| Nummer:oub1454 | Datum:Friedeburg, 28. Aug. 1495 | Überlieferung:Editie | Fundstelle:Ostfriesisches Urkundenbuch, II, S. 467, nr. 1454 |
Bischof Heinrich von Münster u. s. w. entbietet nach geschlossenem Frieden mit Graf Edzard Edo Wientken zum nächsten Morgen zu einer Zusammenkunft nach Reepsholt.
Deme erberen unsen guden frunde Eden Wymeken, tho Jhever hovetlinge.
Hinrick, van Godes genaden biscop to Munster und administrator der hilligen kercken to Bremen.
Erber gude frundt. De gebrecke tuschen uns unde den greven van Oestvreschlandt synt gesoenet, darumme wilt vort by den uwen bestellen vredde van on geholden werde, zo dergelijken ock an der anderen zyden bestalt ys; unde begeren van u, dat gy u morgene saterdach tegen achte uren vormyddage vogen willen an de kercken to Reepsholt by unse reede, umme saken, gy alsdan wall vernemen werden, dar wy oek heren Hero van Dornum ritter heben doen verschryven, des wy uns also to u verseen. Gegeven in dem velde by der Vredeborch, des frydages na sunte Bartholomei apostoli dage, anno etc. XCo quinto.
Hinrick, van Godes genaden biscop to Munster und administrator der hilligen kercken to Bremen.
Erber gude frundt. De gebrecke tuschen uns unde den greven van Oestvreschlandt synt gesoenet, darumme wilt vort by den uwen bestellen vredde van on geholden werde, zo dergelijken ock an der anderen zyden bestalt ys; unde begeren van u, dat gy u morgene saterdach tegen achte uren vormyddage vogen willen an de kercken to Reepsholt by unse reede, umme saken, gy alsdan wall vernemen werden, dar wy oek heren Hero van Dornum ritter heben doen verschryven, des wy uns also to u verseen. Gegeven in dem velde by der Vredeborch, des frydages na sunte Bartholomei apostoli dage, anno etc. XCo quinto.
