| Nummer:oub1505 | Datum:Aurich, 14. Okt. 1496 | Überlieferung:Editie | Fundstelle:Ostfriesisches Urkundenbuch, II, S. 513, nr. 1505 |
Graf Edzard bittet Hamburg, ihm mit der Abzahlung der noch rückständigen und auf S. Martinstag fälligen 3000 Gulden noch ein Jahr Aufschub zu gönnen, da er das Geld zwar bereit habe, doch bei der Unsicherheit seiner Lage, da der Bischof von Münster seine Unterthanen zu beschädigen nicht aufhöre, gern in Händen behalten wolle.
Edeszardt, greve tho Ostfreslant etc. Unsen fruntlichen grut und wes wy mer leves und gudes vermogen. Ersamen und wisen besundern gunstigen guden frunde. Als den juwe ers, uns im vergangen jare gudtlichen hebben gelent dredusent Rinsche gulden, nu up sunte Merten to betalen, [*] des wy juwen ersamen wisheiden seer bedancken, so in sodane gelt tho juwen besten by einander, als sick dat gebort. Dan alse juwe wisheiden durch geruchte und ock van juwen sendebaden tho der latesten dachstede binnen Lee geschigket, dem wy sodans leten verstan, wol hebben vernamen, dath unsen armen undersaten ore beste uth dem stichte van Munster syn genamen und noch dagelikes perde darhen verlesen und schaden nemen, derwegen wy mith unsen naberen in drouwen stan und weten nicht, wo sick de dinge willen begeven; darumme begeren wy mith besundern flite, ju ers. willen mith der betalinge der vorg. drier dusent gulden noch eyn jar langk thofreden sin und uns de bes up sunte Martin over eyn jar vordan lenen, allsdan willen wy ju sodane gelt unvertochlich gutlich wol betalen, deshalven ju ock unse certificatien hirby schigken, vertrauwen uns gentzlichen an juw, uns des nicht willen weigeren, dan daran gunstwillich bewisen, dat willen wy tegen juwe ersamen wisheiden, Gade almechtich gesunt befalen, alle tidt wedder verschulden. Datum Aurig, ame frigdage na Victoris, anno XCVIo.
Cedula.
Offte eck juwe wisheiden lever der ersamen van Groningen schriffte hedden und geloven wolden geven das denen unsen, mochten juwe ers. uns sodans verwittigen, versehen wy uns desulven van Groningen wol vor uns sollen deshalven gudtseggen, so se vorhen in dussem jare gedan hebben van wegen derselver penninge. Datum ut in literis.
Cedula.
Offte eck juwe wisheiden lever der ersamen van Groningen schriffte hedden und geloven wolden geven das denen unsen, mochten juwe ers. uns sodans verwittigen, versehen wy uns desulven van Groningen wol vor uns sollen deshalven gudtseggen, so se vorhen in dussem jare gedan hebben van wegen derselver penninge. Datum ut in literis.
